استانادا اۋا تەمپەراتۋراسىنىڭ تومەندەۋىنە بايلانىستى ەكىنشى اۋىسىمداعى 0-9 سىنىپ وقۋشىلارى قاشىقتان وقۋ فورماتىنا كوشىرىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى, دەپ جازادى Egemen.kz.
«2026 جىلعى 14 قاڭتار كۇنى اۋا رايىنىڭ قولايسىزدىعىنا بايلانىستى ەكىنشى اۋىسىمنىڭ 0-9 سىنىپ وقۋشىلارى قاشىقتان وقىتۋ فورماتىنا اۋىستىرىلادى», دەلىنگەن حابارلامادا.
بۇگىن ەل اۋماعىنىڭ باسىم بولىگىندە جاۋىن-شاشىنسىز, ايازدى اۋا رايى كۇتىلەدى. تەك ەلدىڭ باتىسى مەن شىعىسىندا قار ارالاس جاۋىن-شاشىن جاۋىپ, بۇرقاسىن بولۋى مۇمكىن. رەسپۋبليكا بويىنشا جەلدىڭ كۇشەيۋى, كوكتايعاق جانە تۇمان كۇتىلەدى.
ايتا كەتەيىك, بۇگىن استانادا ءبىرىنشى اۋىسىمداعى 0-9 سىنىپ وقۋشىلارى اۋا رايىنىڭ قولايسىزدىعىنا بايلانىستى قاشىقتان وقۋ فورماتىنا كوشىرىلگەن ەدى. سونداي-اق قوستاناي وبلىسىندا دا بىرقاتار مەكتەپ وقۋشىلارى ۋاقىتشا قاشىقتان وقۋ فورماتىنا كوشىرىلدى.