استانا, 24 اقپان. قازاقستاننىڭ باسىم بولىگى بۇرىنعىشا انتيتسلوننىڭ ىقپالىندا بولادى. بۇل تۋرالى ىشكى ىستەر مينيسترلىگى توتەنشە جاعدايلار سايتىنا سۇيەنگەن «قازاقستان جاڭالىقتارى» حابارلادى.
«ەل وڭىرلەرىنىڭ باسىم بولىگىندە كۇن اشىق بولادى, تەك سولتۇستىك, وڭتۇستىك جانە شىعىس ايماقتاردا اۋا اعىنىنىڭ اسەرىنەن كەي جەرلەردە قار جاۋىپ, بۇرقاسىن بولادى, جەل كۇشەيەدى», - دەلىنگەن حابارلامادا.
الماتى, اتىراۋ, باتىس قازاقستان, اقتوبە, قاراعاندى, تۇندە شىعىس قازاقستان وبلىستارىندا كەي جەرلەردە تۇمان ءتۇسۋى ىقتيمال. جامبىل وبلىسىندا - تۇمان, تۇندە جەل تۇرادى, تۇندە ۇيتقىعان جەلدىڭ جىلدامدىعى 25 م/س. جەتەدى.
وڭتۇستىك قازاقستان, قىزىلوردا وبلىستارىندا 15-20 م/س. جىلدامدىقپەن جەل تۇرادى. اقمولا وبلىسىندا تۇندە جانە تاڭەرتەڭ كەي جەرلەردە تۇمان تۇسەدى, كۇندىز جەل كۇشەيەدى, جىلدامدىعى -15-20 م/س.قوستاناي وبلىسىندا كەي جەرلەردە تۇمان بولادى, تاڭەرتەڭ جانە كۇندىز جەلدىڭ ەكپىنى 18 م/س. جەتەدى.
سولتۇستىك قازاقستان وبلىسىندا تۇمان ءتۇسۋى مۇمكىن, كوكتايعاق, بۇرقاسىن بولادى, كۇندىز جەل كۇشەيىپ, جىلدامدىعى15-20 م/س. جەتەدى.
پاۆلودار وبلىسىندا كۇندىز بۇرقاسىن كۇتىلەدى, جەلدىڭ ەكپىنى -15-20 م/س.