قوستاناي قالاسىنىڭ №2 سوتى 44 جاستاعى يۋليا حوندى قازاقستان قىلمىستىق كودەكسىنىڭ 174-بابى 1-بولىگى بويىنشا كىنالى دەپ تانىپ, 2 جىل مەرزىمگە باس بوستاندىعىنان ايىردى. سونداي-اق ودان 826 مىڭ تەڭگە كولەمىندە پروتسەسسۋالدىق شىعىن وندىرىلەدى, دەپ حابارلايدى Egemen.kz.
ءىس ماتەريالدارىنا سايكەس, 2024 جىلعى قاراشا ايىنىڭ باسىندا تۇنگى ساعات 03:45 شاماسىندا ايىپتالۋشى الكوگولدىك ماساڭ كۇيدە TikTok جەلىسىندە تىكەلەي ەفيرگە شىققان. ونىڭ ادۆوكاتى ۆالەري ءليدىڭ ايتۋىنشا, ەفير بارىسىندا رەسەي مەن ۋكراينا اراسىنداعى سوعىس تاقىرىبى تالقىلانعان.
سوت دەرەگىنشە, تىكەلەي ەفير كەزىندە يۋليا حون قازاق ۇلتىنا ءتىل تيگىزىپ, ارانداتۋشىلىق سيپاتتاعى بەيادەپ سوزدەر ايتقان. سۋديا ولگا كۋزنەتسوۆا بۇل جايت ساراپتاما قورىتىندىسىمەن, ەفير جازباسىمەن جانە كۋاگەرلەردىڭ ايعاقتارىمەن دالەلدەنگەنىن مالىمدەدى.
«تيك-توك» ارقىلى جۇرتتى الداپ كەلگەن قىلمىستىق توپتىڭ جولى كەسىلدى
سوت ۇكىمىمەن يۋليا حون 2 جىل مەرزىمگە باس بوستاندىعىنان ايىرىلدى. بۇعان دەيىن ول ەشقايدا كەتپەۋ تۋرالى قولحاتپەن جۇرگەن. ۇكىم جاريالانعاننان كەيىن سوت زالىندا قاماۋعا الىندى.
جازا تاعايىنداۋ كەزىندە سوت ايىپتالۋشىنىڭ جەڭىلدەتەتىن ءمان-جايلارىن ەسكەرگەن. اتاپ ايتقاندا, سوتتالۋشىنىڭ كورۋ قابىلەتىنەن ايىرىلعان بالاسى بار ەكەنى, ونى ەمدەتۋگە ءوزى قاراجات تولەيتىنى ايتىلدى. سونىمەن قاتار, ونىڭ بۇرىن قىلمىستىق جاۋاپكەرشىلىككە تارتىلماعانى, تۇرمىستا ەكەنى جانە جۇمىس ىستەيتىنى كورسەتىلدى.
دەپۋتاتتار قازاقستاندا تيكتوكقا شەكتەۋ قويۋدى ۇسىندى
ادۆوكات ۆالەري لي سوت شەشىمىمەن كەلىسپەيتىنىن جانە اپەللياتسيالىق شاعىم تۇسىرەتىنىن مالىمدەدى. ونىڭ ايتۋىنشا, ەفير بارىسىندا يۋليا حوننىڭ وزىنە دە ءتىل تيگىزىلگەن, ال قورلايتىن سوزدەر بۇكىل ۇلتقا ەمەس, ناقتى ءبىر ادامعا باعىتتالعان.