بۇگىن الماتىدا قازاقستاننىڭ كورنەكتى مەملەكەت جانە قوعام قايراتكەرى, ءۇش مارتە سوتسياليستىك ەڭبەك ەرى, ديپلومات, اكادەميك دىنمۇحامەد احمەت ۇلى قوناەۆتىڭ تۋعانىنا 114 جىل تولۋىنا وراي, ەڭسەلى ەسكەرتكىشىنە گۇل شوقتارىن قويۋ ءراسىمى ءوتتى.
حالقىنىڭ جۇرەگىنەن ورىن العان, ەلىنىڭ بولاشاعى ءۇشىن ايانباي قىزمەت ەتكەن ءبىرتۋار تۇلعاعا تاعزىم ەتۋ شاراسىنا الماتى قالاسى ءماسليحاتىنىڭ توراعاسى مەيىرجان وتىنشيەۆ, الماتى قالالىق مادەنيەت باسقارماسىنىڭ باسشىسى دانيار اليەۆ, حالىقارالىق د. قوناەۆ قورىنىڭ پرەزيدەنتى ەلدار قوناەۆ, م.اۋەزوۆ مۋزەيىنىڭ ديرەكتورى ديار قوناەۆ, دىنمۇحامەد احمەت ۇلىنىڭ قىزمەتتەستەرى مەن تۋعان-تۋىستارى, مەملەكەت جانە قوعام قايراتكەرلەرى, جوعارى وقۋ ورىندارىنىڭ ستۋدەنتتەرى, سونداي-اق قالا تۇرعىندارى مەن قوناقتارى قاتىستى.
ءىس-شارا بارىسىندا ءسوز العان ەلدار اسقار ۇلى: «بۇگىن دىنمۇحامەد احمەت ۇلى قوناەۆتىڭ تۋعانىنا 114 جىل تولىپ وتىر. ول – ەلىمىزدىڭ دامۋى مەن قالىپتاسۋىنا ولشەۋسىز ۇلەس قوسقان تاريحي تۇلعا. ونىڭ ەرەن ەڭبەگى مەن مەملەكەتشىل بولمىسى قازاقستان تاريحىندا ايرىقشا ورىن الادى», دەدى.
سونداي-اق ءىس-شارا اياسىندا رمك «عىلىم ورداسى» اكادەمياسى اتىنان دىنمۇحامەد احمەت ۇلى قوناەۆقا قاتىستى بارلىق رەسمي قۇجاتتار د.ا.قوناەۆ مۋزەيىنىڭ قورىنا تابىستالدى. بۇل قۇندى مۇرا ۇلى تۇلعانىڭ ساياسي, عىلىمي جانە قوعامدىق قىزمەتىن تەرەڭىرەك زەردەلەۋگە مۇمكىندىك بەرەدى.
شىمكەنتتە دىنمۇحامەد قوناەۆ اتىنداعى مەكتەپ اشىلدى
سونىمەن قاتار, ءىس-شاراعا جينالعان قوناقتار ءۇشىن د.ا.قوناەۆ مۋزەيى مەن مەموريالدى پاتەر-مۋزەيىندە ارنايى ەكسكۋرسيالار ۇيىمداستىرىلىپ, مۋزەي قىزمەتكەرلەرى دىنمۇحامەد احمەت ۇلىنىڭ ءومىر جولى, ەل باسقارۋداعى كەمەڭگەرلىگى مەن ادامگەرشىلىك بولمىسى تۋرالى تىڭ دەرەكتەرمەن ءبولىستى.
الماتىدا دىنمۇحامەد قوناەۆتى ەسكە الۋ كۇنى ءوتتى