قاراعاندى وبلىسىندا 50 جولاۋشى وتىرعان استوبۋس تاسجولدان شىعىپ كەتىپ, اپاتقا ۇشىرادى. بۇل وقيعاعا وڭىرلىك پوليتسيا دەپارتامەنتى تۇسىنىكتەمە بەردى, دەپ حابارلايدى Egemen.kz.
ۆەدومستۆونىڭ ءباسپاسوز قىزمەتىنىڭ مالىمەتىنشە, 12 قاڭتار كۇنى شاحتينسك قالاسىنان شىعار تۇستا مارشرۋتتىق اۆتوبۋستىڭ جۇرگىزۋشىسى بوران مەن كوكتايعاققا بايلانىستى كولىكتى باسقارا الماي قالىپ, اۆتوبۋس تاسجولدان شىعىپ كەتكەن.
«اۆتوبۋس سالونىندا شامامەن 50 جولاۋشى بولعان. قازا تاپقاندار مەن زارداپ شەككەندەر جوق», دەپ حابارلادى قاراعاندى وبلىسى پوليتسيا دەپارتامەنتىندە.
پوليتسيا وكىلدەرى قازىرگى ۋاقىتتا ءوڭىر اۋماعىندا قولايسىز اۋا رايى ساقتالىپ وتىرعانىن اتاپ ءوتتى.
سقو-دا ءتورت ادامنىڭ ءومىرىن جالماعان جول اپاتى بولدى
جۇرگىزۋشىلەرگە جىلدامدىق رەجيمىن ساقتاۋعا, اراقاشىقتىقتى ۇستانۋعا, كۇرت مانەۆرلەردەن اۋلاق بولۋعا جانە مۇمكىندىگىنشە الىس ساپارلارعا شىقپاۋعا كەڭەس بەرىلدى.
الماتىدا ءبىر تۇندە 58 جول اپاتى تىركەلدى
«جولداعى قاۋىپسىزدىك ءاربىر جول قوزعالىسىنا قاتىسۋشىنىڭ جاۋاپكەرشىلىگىنە تىكەلەي بايلانىستى», دەپ تۇيىندەدى ۆەدومستۆودا.
ايتا كەتەيىك, بۇگىن ەلىمىزدىڭ باسىم بولىگىندە قولايسىز اۋا رايى ساقتالادى.