قازاقستاننىڭ تۇمسا تابيعاتى مەن كورىكتى ورىندارىن ۆيدەوعا ءتۇسىرىپ, وتاندىق ءتۋريزمدى ناسيحاتتاپ جۇرگەن ۆيدەوگراف داستان مۇحامەدراحىم دۋبايداعى ءىس-شارالاردىڭ بىرىندە ايگىلى امەريكالىق اكتەر ءارى رەجيسسيور ۋيلل سميتكە تارتۋ جاسادى, دەپ جازادى Egemen.kz.
داستان مۇحامەدراحىم الەۋمەتتىك جەلىدەگى پاراقشاسىندا ساحناعا شىعىپ, ۋيلل سميتكە شاپان جاۋىپ جاتقان ۆيدەوسىن جاريالاپ, ەرەكشە ساتتەگى اسەرى تۋرالى جازدى.
«ماسساعان, ويلاڭىزدارشى ۋيلل سميتكە شاپان جاپتىم! ويلاماعان جەردەن. باسقا ەشكىم دۇرىس سۋرەتكە دە تۇسە المادى. مەن عانا شاپان جاۋىپ سۋرەتكە ءتۇسىپ ۇلگەردىم, ارى قاراي دۇربەلەڭ بولىپ كەتتى. قۇداي بەرەم دەسە بەرەدى ەكەن عوي. اللاعا شۇكىر», دەپ جازدى داستان مۇحامەدراحىم.
بۇعان دەيىن داستاننىڭ ۆيدەوسىن Instagram-نىڭ رەسمي پاراقشاسى جاريالاعان ەدى.