استانا. 24 اقپان. قازاقستان, رەسەي جانە بەلارۋس مەملەكەتتەرىنىڭ ليدەرلەرى نۇرسۇلتان نازارباەۆ, ۆلاديمير پۋتين جانە الەكساندر لۋكاشەنكو جاقىن كۇندەردە استانادا ۇشجاقتى كەزدەسۋ وتكىزۋدى جوسپارلاپ وتىر. بۇل تۋرالى قازاقستان سىرتقى ىستەر مينيسترلىگىنەن حابارلاندى.
ۆەدومستۆونىڭ حابارلاۋىنشا, قازاقستاننىڭ بەلارۋستەگى ەلشىسى ەركەعالي بولەگەنوۆ سول ەلدىڭ سىرتقى ىستەر ءمينيسترى ۆلاديمير ماكەيمەن كەزدەسۋ وتكىزگەن.
«اڭگىمە بارىسىندا ەكىجاقتى ىنتىماقتاستىقتىڭ دا, حالىقارالىق الاڭدا ءوزارا بىرلەسۋ قيمىلداۋدىڭ دا ماسەلەلەرى تالقىلاندى. سونىڭ ىشىندە تمد جانە ەاەك شەڭبەرىندەگى ارىپتەستىك جايى دا ءسوز بولدى. بۇدان باسقا, تاراپتار جاقىن ارادا استانادا قازاقستان, رەسەي جانە بەلارۋس مەملەكەتتەرىنىڭ ليدەرلەرى اراسىندا وتەتىن ۇشجاقتى كەزدەسۋدىڭ ىقتيمال كۇن ءتارتىبى تۋرالى پىكىر الماستى», - دەلىنگەن كەزدەسۋ قورىتىندىسىنا وراي تاراتىلعان حابارلامادا.
مۇرات ايتقوجا.