ۋكراينا پرەزيدەنتى ۆلاديمير زەلەنسكي اقش پرەزيدەنتى دونالد ترامپپەن ۋكراينا مەن امەريكا قۇراما شتاتتارى اراسىنداعى ەركىن ساۋدا تۋرالى كەلىسىمدى تالقىلادى, دەپ حابارلايدى Egemen.kz.
اقپاراتقا سايكەس, كەلىسىم جەكەلەگەن ونەركاسىبى دامىعان وڭىرلەر ءۇشىن اقش-پەن ساۋدادا نولدىك كەدەندىك باج سالىعىن ەنگىزۋدى كوزدەيدى.
سونىمەن قاتار ۋكراينانى قالپىنا كەلتىرۋگە ارنالعان 800 ملرد اقش دوللارىنا دەيىنگى اۋقىمدى كەلىسىم دايىندالىپ جاتىر. The Telegraph جازۋىنشا, قاراجات ون جىل ىشىندە تارتىلىپ, ەلدىڭ ينفراقۇرىلىمىن قالپىنا كەلتىرۋگە جانە ەكونوميكالىق ءوسىمدى ىسكە قوسۋعا باعىتتالماق.
رەسەي ءۇش جىلدا ۋكراينا اۋماعىنىڭ قانشا بولىگىن باسىپ الدى؟
ەكى كەلىسىمگە دە قول قويۋ داۆوستا ءوتۋى مۇمكىن, وعان زەلەنسكي مەن ترامپتىڭ قاتىسۋى جوسپارلانىپ وتىر.
ەۋرووداق ۋكرايناعا 90 ملرد ەۋرو اۋدارادى.
بۇعان دەيىن ترامپ ۇسىنعان بەيبىت جوسپار اياسىندا ۋكرايناعا ارنالعان اقش باسقارۋىنداعى قالپىنا كەلتىرۋ قورى قاراستىرىلعان بولاتىن. ول قورعا 100 ملرد دوللار كولەمىندەگى بۇعاتتالعان رەسەيلىك اكتيۆتەر جانە ەۋروپالىق وداقتان 100 ملرد دوللار باعىتتاۋ ۇسىنىلعان.
ۆاشينگتوندا قور اقش باسقارۋىندا بولعان جاعدايدا ونىڭ جالپى كولەمى 800 ملرد دوللارعا دەيىن ۇلعايۋى مۇمكىن ەكەنى ايتىلعان.
بۇعان دەيىن ۋكرايناعا قانداي قاۋىپسىزدىك كەپىلدىگى بەرىلۋى مۇمكىن ەكەنىن جازعان بولاتىنبىز.