پەتروپاۆل. 24 اقپان. سولتۇستىك قازاقستان وبلىستىق تارتىپتىك كەڭەسىنىڭ كەزەكتى وتىرىسىندا قالالىق بالالار ەمحاناسىنىڭ باس دارىگەرىن قىزمەتىنەن الۋ جونىندە شەشىم قابىلداندى. بۇل تۋرالى egemen.kz ءتىلشىسى حابارلادى.
تارتىپتىك كەڭەسكە بالالار ەمحاناسىنىڭ باسشىسى ولگا ءاشىموۆانى جاۋاپكەرشىلىككە تارتۋ ماسەلەسىن پروكۋراتۋرا ورگانى تۇسىرگەن. 56 ادام قول قويعان شاعىمدا باس دارىگەردىڭ ماڭايىنا تۋىستارىن, تامىر-تانىستارىن جيناپ الىپ, كاسىبي شەبەرلىكتەرى جەتىسپەسە دە, بىرقاتار ارتىقشىلىقتار جاساعان. ماسەلەن, قىزدارى مەن كۇيەۋ بالالارىن «جىلى-جۇمساققا» وراپ, مەكەمە ىشىنەن ەكى بۋفەت اشىپ بەرگەن. باسقا دا بۇرا تارتۋشىلىقتار ورىن العان.
و.ءاشىموۆانىڭ سىبايلاس جەمقورلىقپەن كۇرەس تۋرالى زاڭنامالاردى ورەسكەل بۇزعانىن, قىزمەت بابىن اسىرا پايدالانعانىن تارتىپتىك كەڭەس مۇشەلەرى جەرىنە جەتكىزە ايتىپ, پروكۋراتۋرانىڭ ۇسىنىسىن قولدادى.
ءومىر ەسقالي.
دەرەك: egemen.kz.
سۋرەت: infoportal.kz.