ءوندىرىس ورىندارىنداعى كەزدەسۋ

جيىندا ءماجىلىس توراعاسىنىڭ ورىنباسارى البەرت راۋ ەلىمىزدىڭ تسيفرلاندىرۋ دەڭگەيى بويىنشا الەمدە كوشباسشى ورىنعا يە ەكەنىنە نازار اۋداردى.

– تسيفرلاندىرۋ – مەملەكەتتىڭ ستراتەگيالىق باعىتى. بىلتىر ءما­جىلىس جاساندى ينتەللەكت تۋرالى زاڭ قابىلدادى, ول جي تەحنولو­گيا­­لارىن جاۋاپكەرشىلىكپەن ءارى قاۋىپ­سىز قولدانۋدىڭ نەگىزىن قالا­دى. مەم­لەكەت باسشىسى قاسىم-جومارت توقاەۆ ءوزىنىڭ سۇحبا­­تىندا ايت­قانداي, ەلىمىز تسيفر­­لىق دەر­جا­ۆاعا اينالۋعا ءتيىس. سون­دىق­تان پرەزيدەنت 2026 جىلدى تسيفر­لاندىرۋ جانە جاساندى ين­تەللەكت جىلى دەپ جاريا­لادى, – دەپ اتاپ ءوتتى ءماجىلىستىڭ ۆيتسە-سپيكەرى.

جۇمىس ساپارى اياسىندا دەپۋتاتتار قالالىق ەمحاناعا بارىپ, تسيفرلىق قۇرالداردىڭ جۇمىسىمەن تانىستى.

ءماجىلىستىڭ ۆيتسە-سپيكەرى, «اق جول» پارتياسى فراكتسياسىنىڭ مۇشەسى دانيا ەسپاەۆا جانە «Amanat» پارتياسى فراكتسياسى­نىڭ دەپۋتاتى قازىبەك الىشەۆ اقتوبە قالاسىنداعى گوفروقاپ­تاما جانە سترەيچ-پلەنكا ءوندىرۋدى جولعا قويعان, وڭىردەگى ماڭىزدى ونەركاسىپتىك جوبالاردىڭ ءبىرى «Capital Plast KZ» ۇجىمى­مەن كەز­­دەسىپ, ونەركاسىپ سالاسىن دا­مىتۋ جانە جاڭا جۇمىس ورىن­­دارىن قۇرۋ ماسەلەلەرىن تالقىلادى.

ۇجىم الدىندا ءسوز سويلە­گەن ءماجىلىس دەپۋتاتى قازىبەك الىشەۆ وڭدەۋشى ونەركاسىپتى دامىتۋ مەن ينۆەستورلاردى قولداۋ مەملەكەتتىك ساياساتتىڭ باستى با­سىمدىقتارى بولىپ قالا بەرە­تىنىن اتاپ ءوتتى. ول «Amanat» پارتياسىنىڭ سايلاۋالدى باعدار­لاماسىن ورىنداۋ اياسىندا كەيىنگى ءۇش جىلدا اقتوبە وبلىسىنىڭ ونەركاسىپ سەكتورىندا تۇراقتى ءوسىم بار ەكەنىن ەسكە سالدى. اتاپ ايتقاندا, جالپى سوماسى 105 ملرد تەڭگەدەن اسا 20 ونەركاسىپتىك نىسان ىسكە قوسىلدى. بۇل شامامەن 2,3 مىڭ جاڭا جۇمىس ورنىن قۇرۋعا مۇمكىندىك بەردى.

ال «اق جول» دەموكراتيالىق پار­تياسىنىڭ توراعاسى ازات پەرۋاشەۆ قاراعاندى وبلىسىندا, وڭىردەگى بىرقاتار كاسىپورىندى ارالاپ, كەزدەسۋلەر وتكىزدى.

تۇرمىستىق حيميا مەن جۋعىش زاتتار وندىرەتىن «WEC Trade» جشس-دا باس ديرەكتور ۆياچەسلاۆ تسوي ءوندىرىس ۇدەرىسىمەن, شىعارى­لاتىن ءونىم تۇرلەرىمەن تانىس­تىرىپ, كاسىپورىن مەن سالانىڭ دامۋىن­داعى وزەكتى ماسەلەلەر تۋرالى بايان­دادى. بىلتىر جىل سوڭىن­دا «قازاقستاننىڭ ۇزدىك تاۋارى – 2025» ۇلتتىق كورمەسىندە «حالىققا ارنالعان ۇزدىك تاۋار» اتاعىنا يە بولعان كومپانيا­نىڭ تەح­نولوگتەرى بەلگىلى يتاليا­لىق ماماندارمەن تابىستى ىنتى­ماق­تاستىق ورناتىپ, اۆتورلىق رەتسەپ­تۋرالار ازىرلەپ جاتىر ەكەن. سونداي-اق Procter&Gamble, Henkel جانە باسقا دا حالىقارالىق كوش­باس­شىلارمەن ىشكى نارىقتا باسە­كەلەس بولۋدى ماقسات ەتىپ وتىر.

«اقجولدىقتار» ءبىر اي بۇرىن ىسكە قوسىلعان «Kaz UnionPlast» پوليەتيلەن قۇبىرلارى زاۋىتى» مەن «تسسس-كابەل»-ءدىڭ دە جۇمىسىمەن تانىستى. كاسىپورىن اكتسيونەرى بولات جۇمامباەۆ پەن سەرىكتەستىك باسشىلارى باحتيار ابينوۆ پەن بيجىگىت قايىرجان ءوندىرىستى ۇيىمداستىرۋ بارىسى مەن وسى جىلعا ارنالعان جوسپارلار تۋرالى ايتىپ بەردى. ولاردىڭ ايتۋلارىنشا, وندىرىلەتىن ونىمگە سۇرانىستىڭ جوعارى بولۋىنا بايلانىستى, ءوندىرىستى كەڭەيتۋ جوسپارلارى دا بار.

ا.پەرۋاشەۆ ايگىلى Qarmet كومپانياسىندا قازاقستانداعى ەڭ ءىرى تاۋ-كەن مەتاللۋرگيا كومبيناتى باسقارما توراعاسىنىڭ ءبىرىنشى ورىنباسارى سىرىم سەمەيباەۆپەن كەزدەستى. سىرىم سايرانبەك ۇلى كاسىپورىندى اۋقىمدى جاڭعىرتۋ بارىسىن, الداعى دامۋ جوسپارلارىن, ءونىم تۇرلەرىن كەڭەيتۋ جانە ءىرى ماشينا جاساۋ زاۋىتتارىمەن ءوزارا ءىس-قيمىل تۋرالى, سونداي-اق تەمىرتاۋدا ونەركاسىپتىك كلاستەر قۇرۋ جوباسى جايلى اڭگىمەلەدى. ونىڭ ايتۋىنشا, جوبا لوكاليزاتسيانى تەرەڭدەتۋگە, شاعىن جانە ورتا بيزنەستى قولداۋعا جانە ەلدەگى ەڭ ءىرى مەتاللۋرگيالىق كاسىپورىن­نىڭ اينالاسىندا ونەركاسىپ­تىك كووپەراتسيا قالىپتاستىرۋعا باعىتتالعان. سودان سوڭ ءماجىلىس دەپۋتاتى شاعىن جانە ورتا بيزنەس وكىلدەرىمەن كەزدەستى.

ءماجىلىس دەپۋتاتى ەربولات ساۋرىقوۆ جەتىسۋ وبلىسىنا جۇمىس ساپارىمەن بارىپ, تالدى­قورعان قالاسىنداعى 18404 اسكەري ءبولىمى – 37-دەسانتتىق-شابۋىلداۋ بريگاداسىنىڭ قىزمەتىمەن تانىستى. مۇندا جىل سايىن 30-دان اسا تاكتيكالىق جانە ارنايى وقۋ-جاتتىعۋ جيىندارى وتكىزىلىپ, 500-گە جۋىق پاراشيۋتپەن سەكىرۋ جۇزەگە اسىرىلادى. كەزدەسۋ بارىسىندا ە.ساۋرىقوۆ قارۋلى كۇشتەردىڭ جاۋىنگەرلىك قابىلەتىن ودان ءارى شىڭداۋ, اسكەري قىزمەتشىلەر مەن ولاردىڭ وتباسى مۇشەلەرىنىڭ الەۋمەتتىك جاعدايىن جاقسارتۋ, باسپانامەن قامتاماسىز ەتۋ, مەديتسينالىق جانە الەۋمەتتىك كەپىلدىكتەردى كۇشەيتۋ ماسەلەلەرىنىڭ ماڭى­زىنا توقتالدى. دەپۋتات وسى پروب­لەمالاردى شەشۋگە زاڭ­نا­مالىق دەڭگەيدە قولداۋ كورسەتۋ پارلامەنتتىڭ باسىم مىندەت­تەرىنىڭ ءبىرى ەكەنىن اتاپ ءوتتى.

ءماجىلىس دەپۋتاتتارى, «Amanat» پارتياسى فراكتسياسى­نىڭ مۇشەلەرى رۋسلان قوجاسباەۆ پەن بولات كەرىمبەك جەتىسۋ وڭىرى­نە ساپارى اياسىندا تالدىقور­عان قالاسىنداعى بىرقاتار ستراتەگيا­لىق ماڭىزى بار ءوندىرىس ورنىنىڭ قىزمەتىمەن تانىستى. ساپار بارىسىندا ءوڭىردىڭ يندۋستريالىق الەۋەتى, ينۆەستيتسيالىق جوبالار­دىڭ جۇزەگە اسۋ بارىسى جانە جاڭا جۇمىس ورىندارىن قۇرۋ ماسەلەلەرى تالقىلاندى.

دەپۋتاتتار نازار اۋدار­عان كا­سىپ­ورىنداردىڭ ءبىرى – «تالدى­قورعان كابەل». 2018 جىلدان بەرى ەلەكتر سىمدارى مەن كابەل ونىمدەرىن شىعاراتىن زاۋىتتا 200 ادام تۇراقتى جۇمىسپەن قامتىلعان. ءوندىرىس ورنى ىشكى نارىقتى وتاندىق ونىممەن قام­تا­ماسىز ەتۋگە جانە ءوڭىردىڭ ونەر­كاسىپتىك الەۋەتىن ارتتىرۋعا ايتار­لىقتاي ۇلەس قوسىپ وتىر. نىساننىڭ جۇمىس بارىسىمەن تانىسۋ كەزىندە «Amanat» پارتياسى فراكتسياسىنىڭ مۇشەسى بولات كەرىمبەك ءوندىرىستىڭ ەل ەكونوميكاسى ءۇشىن ماڭىزىن اتاپ ءوتتى. ال ءماجىلىس دەپۋتاتى رۋسلان قوجاسباەۆتىڭ ايتۋىنشا, وندىرىستىك ينفراقۇرىلىمدى دامىتۋ – وڭىرلىك ءوسىمنىڭ نەگىزگى فاكتورلارىنىڭ ءبىرى.