سانيتارلىق باقىلاۋدىڭ بەرەرى مول

سانيتارلىق باقىلاۋ مەدي­­تسي­­نالىق ۇيىمداردا ساني­تا­ر­لىق-ەپيدەميولوگيا­لىق سالامات­تىلىقتى قامتاماسىز ەتۋگە با­عىت­تال­عان ۇيىمداستىرۋشىلىق, پرو­فيلاك­تي­كالىق, قاداعالاۋ شارالارىنىڭ كەشە­نىن قامتيدى. نەگىزگى ماقساتى – پاتسيەنتتەر مەن مەديتسينا قىزمەتكەرلەرى اراسىندا جۇقپالى اۋرۋلاردىڭ پايدا بولۋى مەن تارالۋىنىڭ الدىن الۋ.

مەديتسينالىق ستاتسيونارلاردا سانيتارلىق-گيگيەنالىق, ەپيدەمياعا قارسى رەجىمنىڭ ساقتالۋىن قامتاماسىز ەتۋ – سانيتارلىق باقىلاۋدىڭ ماڭىزدى باعىتى. ءۇي-جايلاردى بەلگىلەنگەن تالاپ­تارعا سايكەس تازالاۋ, اعىمداعى, جالپى دە­­زينفەكتسيالاۋ جۇمىستارىن ۋاقتىلى جۇرگىزۋ, وپەراتسيالىق, پروتسەدۋرالىق بول­مەلەر مەن پالاتالاردىڭ سانيتارلىق جاعدايىن باقىلاۋ ينفەكتسيالىق قاۋىپ­تەردىڭ تومەندەۋىنە ىقپال ەتەدى.

مەديتسينالىق ماقساتتاعى بۇيىم­داردى دەزينفەكتسيالاۋ, ستەريليزاتسيالاۋ تالاپتارىنىڭ ساقتالۋى سانيتارلىق باقىلاۋدىڭ باسىم باعىتتارىنىڭ ءبىرى. بۇل ۇدەرىستەردىڭ بۇزىلۋى ينفەكتسيالىق اسقىنۋلاردىڭ پايدا بولۋىنا, انتيبيوتيكتەرگە ءتوزىمدى ميكروورگانيزمدەردىڭ تارالۋىنا سەبەپ بولۋى مۇمكىن. وسى تۇرعىدا سانيتارلىق دارىگەرلەر ستەريليزاتسيالاۋ رەجىمدەرىنىڭ ساقتالۋىنا, وڭدەۋ ساپاسىنا, ستەريلدى بۇيىمداردى ساقتاۋ شارتتارىنا, ەسەپتىك قۇجاتتامانىڭ دۇرىس جۇرگىزىلۋىنە باقىلاۋ جۇرگىزەدى.

ءاىي-ءدىڭ پايدا بولۋ قاۋپى جوعارى بولىمشەلەرگە, اتاپ ايتقاندا, حيرۋر­گيالىق, رەانيماتسيالىق, اكۋشەرلىك-گينەكولوگيالىق, نەوناتولوگيالىق, ينفەكتسيالىق بولىمشەلەرگە ساني­تارلىق باقىلاۋ كۇشەيتىلگەن تۇردە جۇزەگە اسىرىلادى. بۇل بولىمشەلەردە تالاپتاردىڭ ساقتالۋىنا جۇيەلى مونيتورينگ جۇرگىزىلەدى, ەپيدە­ميولوگيالىق جاعداي تالدانىپ, پروفي­لاكتيكالىق شارالار دەر كەزىندە قابىل­دانادى.

ستاتسيونارلاردا قورشاعان ورتانىڭ سانيتارلىق جاي-كۇيىن باقىلاۋ دا ما­ڭىزدى. اۋىزسۋ ساپاسى, جەلدەتۋ, اۋا ال­ماس­تىرۋ جۇيەلەرىنىڭ جاعدايى, ميكروكليمات كورسەتكىشتەرى مەديتسينالىق ۇيىمداردىڭ ەپيدەميولوگيالىق قاۋىپ­سىزدىگىنە تىكەلەي اسەر ەتەدى. ساني­تارلىق باقىلاۋ اتالعان كورسەتكىشتەردىڭ قول­دانىستاعى نورمالار مەن تالاپتارعا سايكەستىگىن قامتاماسىز ەتەدى.

مەديتسينالىق قالدىقتارمەن جۇمىس ىستەۋ ءتارتىبىن ساقتاۋ سانيتارلىق باقى­لاۋدىڭ ماڭىزدى قۇرامداس بولىگى. قالدىقتاردى جيناۋ, ساقتاۋ, تاسىمالداۋ, زالالسىزداندىرۋ تالاپتارىنىڭ بۇزىلۋى ينفەكتسيالاردىڭ تارالۋ قاۋپىن ارتتىرادى. سانيتارلىق باقىلاۋ مەديتسينالىق قالدىقتارمەن قاۋىپسىز جۇمىس ىستەۋ تالاپتارىنىڭ ورىندالۋىن قامتاماسىز ەتۋگە باعىتتالادى. سونىمەن قاتار مەديتسينا قىزمەتكەرلەرىمەن سانيتارلىق-اعارتۋ, پروفيلاكتيكالىق جۇمىستار جۇرگىزىلەدى. قول گيگيەناسىن ساقتاۋ, جەكە قورعانىش قۇرالدارىن دۇرىس پايدالانۋ, اسەپتيكا, انتيسەپتيكا قاعيدالارىن ورىنداۋ جونىندەگى تۇراقتى داعدىلاردى قالىپتاستىرۋ ءاىي-ءدىڭ الدىن الۋدا ماڭىزدى ءرول اتقارادى.

ءبىر سوزبەن, وڭىرلەردەگى مەديتسينالىق ستاتسيونارلاردا سانيتارلىق باقىلاۋ ءاىي-ءدىڭ الدىن الۋ جۇيەسىنىڭ اجىراماس بولىگى. ونىڭ ءتيىمدى ۇيىمداستىرىلۋى مەديتسي­نالىق كومەكتىڭ ساپاسى مەن قاۋىپسىز­دىگىن ارتتىرۋعا, پاتسيەنتتەر مەن مەدي­تسينا قىزمەتكەرلەرىنىڭ دەنساۋلىعىن قورعاۋعا, سونداي-اق حالىقتىڭ دەنساۋلىق ساقتاۋ جۇيە­سىنە دەگەن سەنىمىن نىعايتۋعا ىقپال ەتەدى.

گۇلنار ماديماروۆا,

الماتى قالاسى المالى اۋدانىنىڭ سەبب باس مامانى