وتكەن ءتۇنى الماتى قالاسىنداعى سولتۇستىك اينالىم تاسجولىندا ورنالاسقان قويمادان ءىرى ءورت شىقتى. ءبىرىنشى ءورت ءسوندىرۋ جاساقتارى كەلگەندە قويمانىڭ اشىق جالىنمەن جانىپ جاتقانى انىقتالعان, دەپ جازادى Egemen.kz.
1900 شارشى مەتر الاڭدى شارپىعان ورتتى سوندىرۋگە 85 ادامنان تۇراتىن جەكە قۇرام مەن 22 بىرلىك تەحنيكا جۇمىلدىرىلعان.
وقيعا ورنىندا 3 جاۋىنگەرلىك ۋچاسكە ۇيىمداستىرىلىپ, قىزىل جالىندى اۋىزدىقتاۋعا تجم اۆتوپويىزى دا تارتىلعان.
عيماراتتىڭ قۇرىلىس ەرەكشەلىگىنە بايلانىستى ءورت جىلدام تاراعان.
تۇنگى ساعات 2:15 شاماسىندا ءورت سوندىرۋشىلەردىڭ ۇيلەسىمدى ارەكەتىنىڭ ارقاسىندا ءورت ءسوندىرىلىپ, جانىنداعى نىساندارعا تارالماعان.
تجم ورتتەن زارداپ شەككەندەر تۋرالى اقپارات تۇسپەگەنىن مالىمدەپ وتىر.
بۇعان دەيىن اتىراۋ وبلىسىندا 2 كولىك ورتەنىپ, 60 جاستاعى جولاۋشى قازا تاپقانىن حابارلاعانبىز.
ال جاڭا جىل ءتۇنى شۆەيتساريانىڭ وڭتۇستىگىندەگى تاۋ-شاڭعى كۋرورتىندا ءىرى ءورت بولىپ, ونداعان ادام مەرت بولعان.