قازاقستاندا كەيبىر ازاماتتارعا زەينەت جاسىن تومەندەتۋ ماسەلەسى قاراستىرىلىپ جاتىر. بۇل تۋرالى اۋىل شارۋاشىلىعى مينيسترلىگى اگروونەركاسىپ كەشەنىن دامىتۋ ماسەلەلەرى جونىندەگى قوعامدىق كەڭەستىڭ قورىتىندىسى بويىنشا حابارلادى, دەپ جازادى Egemen.kz.
قوعامدىق كەڭەس وتىرىسىندا تالقىلانعان نەگىزگى ماسەلە – مال شارۋاشىلىعى سالاسىنداعى اگروبيزنەستى دامىتۋدىڭ 2026-2030 جىلدارعا ارنالعان كەشەندى جوسپارىنىڭ جوباسى. قۇجاتتا سالانى بىلىكتى كادرلارمەن قامتاماسىز ەتۋگە باعىتتالعان بىرقاتار شارالار قاراستىرىلعان.
اتاپ ايتقاندا, مال شارۋاشىلىعىندا ەڭبەك ەتەتىن ازاماتتارعا الەۋمەتتىك قولداۋ كورسەتۋ ۇسىنىلادى. سونىڭ ىشىندە:
قويشىلار مەن مالشىلاردىڭ زەينەت جاسىن تومەندەتۋ, اسكەري قىزمەتتى كەيىنگە شەگەرۋ, ولاردىڭ بالالارىنا ءبىلىم بەرۋ گرانتتارىن باسىم تارتىپپەن بەرۋ ماسەلەلەرى بار.مينيسترلىك مالىمەتىنشە, بۇل باستامالار سالادا ەڭبەك ەتىپ جۇرگەن مامانداردى قولداۋعا جانە كادر تاپشىلىعىن ازايتۋعا باعىتتالعان.
قوعامدىق كەڭەس مۇشەلەرى اگروبيزنەستى دامىتۋعا ارنالعان كەشەندى جوسپار جوباسىن ءبىراۋىزدان ماقۇلداعان.