سەمەيدىڭ «ەلىمايى» 2023 جىلى پرەمەر-ليگادا ونەر كورسەتۋ قۇرمەتىنە يە بولدى. قىسقا عانا مەرزىم ارالىعىندا ولار ايشىقتى ويىنىمەن كوزگە ءتۇسىپ, ءوز جانكۇيەرلەرىن قۋانتتى, دەپ جازادى Egemen.kz.
2024 جىلعى ماۋسىمدا «ەلىماي» التىنشى ورىنمەن قورىتىندىلاسا, بىلتىر تەك «قايرات», «استانا» جانە «توبىل» سەكىلدى اككى كلۋبتاردان قالىپ قويىپ, ءتورتىنشى ورىنعا تابان تىرەدى. بيىل ولار قالاي دا جۇدەگەرلەر قاتارىنا قوسىلۋدى كوزدەۋدە. قازىرگى كەزدە اباي وبلىسىنىڭ وكىلدەرى ءباا-ءنىڭ دۋباي قالاسىندا وقۋ-جاتىعۋ جيىنىن وتكىزۋدە.
«ەلىماي» جيىنمەن قوسا, پارسى شىعاناعىندا بىرنەشە جولداستىق كەزدەسۋ وتكىزۋدى جوسپارلاپ وتىر. تاياۋ كۇندەرى ولار سلوۆاكيانىڭ جەتى دۇركىن چەمپيونى «جيلينامەن» كۇش سىناسادى. 19 قاڭتاردا رەسەي چەمپيونى «كراسنودارمەن» كەزدەسەدى. ودان كەيىن ءابۋ-دابيگە ساپار شەگىپ, سول شاھاردا جالاۋى جەلبىرەيتىن «رپل-ءدىڭ قىسقى كۋبوگىندە» ونەر كورسەتەدى.
ءدال سول ءباا-دە وتەتىن ەكىنشى وقۋ-جاتتىعۋ جيىنىندا ماسكەۋدىڭ ايگىلى «سپارتاگىمەن» سايىسقا تۇسەدى. بۇل ماتچ 19 اقپاندا ۇيىداستىرىلادى.