اقتاۋ قالاسىنداعى نازارباەۆ زياتكەرلىك مەكتەبىنىڭ تۇلەگى مەرۋەرت بيجانوۆا عىلىم جولىندا تاعى ءبىر جەتىستىككە جەتتى. ول الەمدەگى ەڭ بەدەلدى جوعارى وقۋ ورىندارىنىڭ ءبىرى - وكسفورد ۋنيۆەرسيتەتىنە Teaching Fellow (وقىتۋشى-زەرتتەۋشى) قىزمەتىنە تاعايىندالدى, دەپ حابارلايدى Egemen.kz.
مەرۋەرت 2019 جىلى نزم-ءدى ءتامامداپ, كەيىن اقش-تاعى پەنسيلۆانيا ۋنيۆەرسيتەتىندە ءبىلىم الدى. ۋنيۆەرسيتەتتە بەلسەندى بولىپ, ستۋدەنتتىك اسسامبلەيانىڭ پرەزيدەنتى قىزمەتىن اتقاردى. 2025 جىلى وكسفورد ۋنيۆەرسيتەتىنىڭ دوكتورانتۋراسىنا قابىلداندى.
جاس عالىم مەرۋەرت بيجانوۆانىڭ ايتۋىنشا, Teaching Fellow لاۋازىمىنا تاعايىندالۋى - ونىڭ جۇيەلى ەڭبەگىنىڭ جوعارى باعالانۋى ءارى ۋنيۆەرسيتەت تاراپىنان كورسەتىلگەن سەنىمنىڭ كورىنىسى. ەندى ول ءوز عىلىمي زەرتتەۋلەرىن جالعاستىرىپ قانا قويماي, وكسفورد ۋنيۆەرسيتەتىنىڭ وقىتۋشىلار قۇرامىندا بولىپ ءدارىس وقيدى, ءبىلىم مەن عىلىم سالاسىنداعى تاجىريبەسىن جاستارعا ۇسىنادى.