رۋسلان وسكەنالى «قازاقمىس» كورپوراتسياسى جشس باسقارما توراعاسى قىزمەتىنە كىرىستى. كورپوراتسيا ونىڭ كوممەرتسيالىق جانە ونەركاسىپتىك قۇرىلىمداردىڭ باسقارۋشىلىق قىزمەتىندە تاجىريبەcى مول ەكەنىن اتاپ ءوتتى, دەپ جازادى Egemen.kz.
رۋسلان وسكەنالى ءار جىلدارى «قازاقمىس» كورپوراتسياسى, Alstom جانە General Electric سىندى ءىرى حالىقارالىق جانە ۇلتتىق كومپانيالاردا باسشىلىق لاۋازىمداردى اتقارعان.
2024 جىلدىڭ ناۋرىز ايىنان باستاپ Qarmet كومپانياسىندا جابدىقتاۋ جونىندەگى ديرەكتور قىزمەتىن اتقارىپ, ساتىپ الۋ فۋنكتسياسىن ستراتەگيالىق دامىتۋمەن جانە جابدىقتاۋ پروتسەسىن وڭتايلاندىرۋمەن اينالىسقان. سونداي-اق باسقارما مۇشەسى رەتىندە كومپانيانىڭ جالپى باسقارۋ ماسەلەلەرى بويىنشا شەشىمدەر قابىلداۋعا قاتىسقان.
ايتا كەتەيىك, «قازاقمىس» وندىرىستەگى قاۋىپسىزدىك دەڭگەيىن كوتەرۋ ماقساتىندا اقش-تىڭ «JMJ Associates» حالىقارالىق كونسالتينگتىك كومپانياسىمەن كەلىسىمشارت جاساسقان.