اۋا رايىنىڭ كۇرت بۇزىلۋىنا بايلانىستى اقتوبە جانە اتىراۋ وبلىستارىنداعى رەسپۋبليكالىق ماڭىزى بار بىرنەشە اۆتوجولدا قوزعالىسقا ۋاقىتشا شەكتەۋ ەنگىزىلدى. «قازاۆتوجول» ۇلتتىق كومپانياسىنىڭ مالىمەتىنشە, بۇل شارا جۇك كولىكتەرى مەن قوعامدىق كولىكتەرگە قاتىستى, دەپ حابارلايدى Egemen.kz.
2 قاڭتار كۇنى ساعات 16:30-دان باستاپ كەلەسى جول ۋچاسكەلەرى جابىلدى:
اقتوبە وبلىسى بويىنشا:
قاندىاعاش – اتىراۋ وبلىسىنىڭ شەكاراسى: «اقتوبە – دوسسور» تاسجولىنىڭ 104-337 شاقىرىمى; «ECO Oil» بەكەتى – قارابۇتاق اۋىلى: «رف شەكاراسى – مارتوك – اقتوبە – قارابۇتاق – قىزىلوردا» جولىنىڭ 776-965 شاقىرىمى; قاندىاعاش – شالقار: «قاندىاعاش – ەمبى – شالقار – ىرعىز» باعىتىنىڭ 3-257 شاقىرىمى; مارتوك – حرومتاۋ ايرىعى: «رف شەكاراسى (جايساڭ) – اقتوبە – قىزىلوردا» جولىنىڭ 0-39 شاقىرىمى.اتىراۋ وبلىسى بويىنشا:
اقتوبە وبلىسىنىڭ شەكاراسى – ساعىز اۋىلى: «اقتوبە – اتىراۋ – رف شەكاراسى» جولىنىڭ 337-346 شاقىرىمى.مامانداردىڭ بولجامىنشا, اتالعان باعىتتارداعى قوزعالىس 3 قاڭتار كۇنى تاڭعى ساعات 08:00-دە قايتا جاندانۋى ءتيىس. الايدا بۇل ۋاقىت اۋا رايىنىڭ قۇبىلۋىنا قاراي وزگەرۋى مۇمكىن.
ەستەرىڭىزگە سالا كەتەيىك, بۇگىن ەلىمىزدىڭ بىرقاتار تاسجولىندا قوزعالىس شەكتەلدى.