جاڭا جىل – وتباسىنىڭ ءار مۇشەسىن ءبىر شاڭىراق استىندا توپتاستىراتىن عاجايىپ مەرەكە. بۇل كۇندەرى ۇلكەندەر كۇنتىزبە اۋىساتىن ماڭىزدى كەزەڭ الدىندا وتكەن جىلدى قورىتىندىلاپ, كەلەر جىلعا ارنالعان جوسپارلارىن بەكىتىپ جاتادى. ال بۇلدىرشىندەر ءۇشىن جاڭا جىل – عاجايىپ ارماندار ورىندالۋى ءتيىس سيقىرلى كەزەڭ. ولار ءۇشىن ورتاق كوڭىل كۇي اۋانىن قالىپتاستىرىپ, مەرەكەلىك كوڭىل كۇيدى ەسەلەۋدە فيلمدەر مەن مۋلتفيلمدەردىڭ ورنى ەرەك. ءار ۇيدە باۋىرمالدىق, ءوزارا تۇسىنىستىك اۋانىن ورناتىپ, جاقسىلىققا جەتەلەيتىن ۇزدىك فيلم مەن مۋلتفيلم توپتاماسىن ۇسىنامىز, دەپ جازادى Egemen.kz.
مەرەكەلىك فيلمدەر توپتاماسىنىڭ كوشىن وسىناۋ كلاسسيكاعا اينالعان امەريكا كينوسىنان باستاۋىمىز كەزدەيسوقتىق ەمەس ەكەنى تۇسىنىكتى بولسا كەرەك. بىرنەشە بۋىن وكىلدەرى ءۇشىن ەتەنە تانىس ءفيلمنىڭ 3 ءبولىمى تۇسىرىلگەن. «ۇيدە جالعىز قالعاندا» دەگەن اتاۋمەن قازاقشاعا دا تارجىمالانعان.
باستى ءرولدى سومداعان ماكولەي كالكين بيىل 45 جاسقا اياق باسسا دا ءار ادامنىڭ كوڭىلىندە قارتايمايتىن كەۆين بەينەسى بار. فيلمدە كەۆين وتباسىلىق ساياحاتتان قالىپ قويىپ, اقىلعا نەگىزدەلگەن ايلاسىمەن ءۇيىن ۇرىلاردىڭ توناۋىنان امان الىپ قالادى. وتباسىلىق جىلى قارىم-قاتىناستى تەرەڭدەتىپ, باتىل بولۋعا ۇندەيتىن ءفيلمدى جاڭا جىل دەمالىستارىندا تاعى ءبىر رەت تاماشالاڭىز. جاڭا وي تۇيەرىڭىز ءسوزسىز.
«ودين دوما» ءفيلمىنىڭ اكتەرلەرى 30 جىلدا قالاي وزگەردى؟
2. The Polar Express. (پوليارلى ەكسپرەسس)
2004 جىلى كورەرمەن نازارىنا ۇسىنىلعان انيماتسيالىق فيلم. فيلم بارىسىندا تەرەزەدەن سولتۇستىك پوليۋسكە بەت العان جۇمباق پويىزعا ىلەسكەن بالانىڭ باستان كەشكەندەرى باياندالادى. ول مەرەكەگە دايىندالىپ جاتقان اياز اتانى قارسى الۋ ءۇشىن وزگە دە بالالارمەن بىرلەسىپ, توسىن وقيعالارعا تاپ بولادى. دوستىق پەن سەنىم تۋىن جەلبىرەتەتىن فيلم سيۋجەتى ءسىزدى دە عاجايىپقا سەندىرەدى.
3. Frozen. (مۇزدى ولكە)
ايگىلى Walt Disney Animation Studios ۇسىنعان مۋلتفيلم 3 بولىمنەن تۇرادى. قازاق تىلىنە «مۇزدى ولكە» اتاۋىمەن اۋدارىلعان. ءمۋلتفيلمنىڭ نەگىزگى وقيعاسى قيالدان تۋعان ەرەندەلل پاتشالىعىندا وتەدى. ونىڭ سيۋجەتىنە ەرەكشە قابىلەتى بار ەلزا مەن باتىل ءارى مەيىرىمدى ءسىڭلىسى اننانىڭ ارەكەتتەرى ارقاۋ بولادى. ءبىر كۇنى ەلزانىڭ قابىلەتى ەرىكسىز اشىلىپ, پاتشالىقتى ماڭگىلىك قىسقا اينالدىرادى. اپالى-سىڭلىلەر پاتشالىقتى قالىپتى كۇيىنە قايتارا الا ما؟ وسى ءبىر كۇردەلى جولدا ولارعا قانداي كەيىپكەرلەر كومەكتەسەدى؟ ماحاببات قىلىن شەرتىپ, باۋىرمالدىققا باستايتىن مۋلت حيكايانى مىندەتتى تۇردە بالالارىڭىزبەن بىرگە تاماشالاڭىز!
كينو الەمىندەگى جەتىستىكتەر
4. A Christmas Carol
اعىلشىن جازۋشىسى چارلز ديككەنستىڭ پروزاسى نەگىزىندە ەكرانيزاتسيالانعان روجدەستۆولىق حيكايا. كەڭ تارالعان نۇسقاسى 2009 جىلى ۇسىنىلعان. وندا ساراڭ ءارى قاتىگەز جاڭا جىلدى جانى سۇيمەيتىن ەبەنەزەر سكرۋدج قارياعا جاڭا جىل كۇنى رۋحتار كەلىپ, قاتقىل مىنەزىن جۇمسارتىپ, ءومىرىن قايتا قۇرۋدى ۇسىنادى. ەبەنەزەر سكرۋدج رۋحتاردىڭ ۇسىنىسىن قابىل الا ما؟
ايتا كەتەيىك, اتالعان پروزا جەلىسىمەن 1992 جىلى «روجدەستۆەنسكايا سكازكا ماپپەتوۆ», «دۋحي روجدەستۆا» (1999), «سكرۋدج: روجدەستۆو وپيات» (2022) سىندى بىرنەشە نۇسقادا فيلم تاسپالانعان.
5. ەركەباي
وتاندىق وتباسىلىق كومەديا. كينوكارتينا جەلىسىندە باي بالاسى ەركەبايدىڭ باسىنان وتكەن شىتىرمان وقيعالارى باياندالادى. اقشاعا قىزىققان قاراقشىلار بالانى ۇرلاپ كەتەدى. فيلمدەگى ەڭ قىزىقتى وقيعالار ءدال وسى كەزدەن باستاۋ الادى. وتباسى ەركەبايدى امان-ەسەن قۇتقارا الا ما؟ 2024 جىلى كورەرمەن نازارىنا ۇسىنىلعان فيلم كوپشىلىكتىڭ كوڭىلىنەن شىقتى. باستى ءرولدى «كۇلدىر-ءبۇلدىر» حيكايالارى ارقىلى تانىلعان راسۋل باۋىرجان سومدايدى.
قازاق كينوسىنىڭ جارقىن بەلەسى
6. ششەلكۋنچيك
نەمىس جازۋشىسى ە.گوفماننىڭ ەرتەگىسى مەن چايكوۆسكيدىڭ بالەتىنە نەگىزدەلگەن تاتيانا يلينا تۇسىرگەن رەسەيلىك تولىقمەتراجدى انيماتسيالىق فيلم. كەڭەس كەزەڭىندە تۇسىرىلگەن نۇسقادان باستاپ, ءار جىلدارى جاڭارىپ ۇسىنىلعان نۇسقالارى الەم جۇرتىنىڭ نازارىنان تىس قالماعان. مۋلتفيلم جەلىسى بويىنشا ماري ەسىمدى قىز شىرشانىڭ ءتۇبىن تازالاپ ءجۇرىپ, جاڭعاق ءتارىزدى ويىنشىق تاۋىپ الادى. ششەلكۋنچيككە جان ءبىتىپ, باستى كەيىپكەرگە ءوزىنىڭ تىشقان پاتشالىعىنداعى باسىنان كەشكەن قايعىلى وقيعالارىن بايانداپ بەرەدى. سول ساتتە ماري مەن ششەلكۋنچيككە توسىن داۋىس ەستىلەدى. بۇل داۋىس ولاردىڭ تىنىس-تىرشىلىگىنە قالاي اسەر ەتەدى؟ ءوزارا كومەك پەن باۋىرمالدىققا باستايتىن بۇل ءمۋلفيلمدى دە بالالارمەن بىرگە كورۋگە ۇسىنامىز.
7. ەلف
فەنتەزي, مەلەدراما, كومەديا ۇيلەسكەن بالالارعا ارنالعان فيلم. 2003 جىلى جارىققا شىققان امەريكالىق فيلم. بالا كەزىندە سانتا كلاۋستىڭ سىيلىق قاپشىعىنا كەزدەيسوق ءتۇسىپ كەتكەن باددي سولتۇستىك پوليۋستە ەلفتەردىڭ اراسىندا وسەدى. بىراق ول باسقا ەلفتەردەن الدەقايدا ۇزىن ءارى يكەمسىز بولادى. ول ءوزىنىڭ شىن مانىندە ادام ەكەنىن بىلگەن سوڭ, نيۋ-يورككە بارىپ, تۋعان اكەسىن تابۋعا شەشىم قابىلدايدى. قالا ومىرىنە بەيىمدەلە الماي, تالاي كۇلكىلى جاعدايلارعا تاپ بولادى. دەگەنمەن ونىڭ اقكوڭىل مىنەزى مەن روجدەستۆوعا دەگەن سەنىمى اينالاسىنداعى ادامداردىڭ جۇرەگىن جىلىتىپ, مەرەكەلىك رۋحتى قايتا وياتادى.
فوتو: Warner Bros
8. «يرونيا سۋدبى, يلي س ليوگكيم پاروم» (تاعدىر تالكەگى)
1975 جىلى تاسپالانعان. الدىڭعى تولقىننىڭ جاڭا جىل دەسە, الدىمەن ويىنا ورالاتىن فيلم. كينو تۋىندى كەزدەيسوق عاجايىپتارعا, ماحابباتقا سەنۋگە, قۇرمەتپەن قاراۋعا شاقىرادى.