پرەزيدەنت جارلىعىمەن جاريالانعان جۇمىسشى ماماندىقتارى جىلى كاسىپتىك ءبىلىم بەرۋ سالاسىن رەفورمالاۋمەن جانە قاراپايىم ەڭبەك ادامدارىن دارىپتەۋمەن ەستە قالدى. جۇمىسشى ماماندىقتارى جىلى اياسىندا اتقارىلعان ىستەردى پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىباي تەلەگرام ارناسىندا قورىتىندىلادى, دەپ جازادى Egemen.kz.
مەملەكەت باسشىسى جىل بويى وندىرىستە جانە الەۋمەتتىك سالادا ەڭبەك ەتەتىن قىزمەتكەرلەردى اقوردادا قارسى الىپ, ەرەكشە قۇرمەت كورسەتتى.
رەسپۋبليكا كۇنى قارساڭىندا ونەركاسىپ جانە قۇرىلىس سالاسىندا جۇمىس ىستەپ جۇرگەن 500-گە جۋىق ازاماتقا جوعارى ماراپات تابىستالدى. ولاردىڭ 138-ءى – ەڭبەك ديناستياسىنىڭ وكىلدەرى.
سونىمەن قاتار 130-دان استام پەداگوگ پەن عالىم, 100-دەن اسا مەديتسينا قىزمەتكەرى مەملەكەتتىك ناگراداعا يە بولدى.
كاسىبي مەرەكەلەرىنە وراي كولىك, ەنەرگەتيكا, مۇناي-گاز, اۋىل جانە سۋ شارۋاشىلىعى, جەدەل قىزمەتتەر, ءبىلىم, عىلىم, مادەنيەت, جۋرناليستيكا سالاسىنىڭ وكىلدەرىنە ەرەكشە سىي كورسەتىلدى.
بيىل ەلىمىزدىڭ تسيفرلىق ەكوجۇيەسىن قالىپتاستىرۋ اياسىندا قىرۋار شارۋا اتقارىلدى.
سونداي-اق 2025 جىلى ەل ەكونوميكاسىنداعى ءوسىم سوڭعى ون جىلداعى ەڭ جوعارى كورسەتكىشكە جەتتى.