پرەزيدەنت قاسىم-جومارت توقاەۆتىڭ تاپسىرماسى بويىنشا كوكشەتاۋدا 630 توسەك-ورىنعا لايىقتالعان جاڭا كوپبەيىندى اۋرۋحانانىڭ قۇرىلىسى قارقىندى ءجۇرىپ جاتىر. اقمولا وبلىسى مەن سولتۇستىك ايماق ءۇشىن ستراتەگيالىق ماڭىزى زور نىساندا كەشەندى مەديتسينالىق كومەك كورسەتۋ بولىمشەلەرى جۇمىس ىستەيتىن بولادى, دەپ جازادى Egemen.kz.
نىسان قابىلداۋ-دياگنوستيكالىق, شۇعىل مەديتسينالىق كومەكتى, حيرۋرگيالىق جانە تەراپيالىق, رەانيماتسيا جانە قارقىندى تەراپيا بويىنشا, سونداي-اق قالپىنا كەلتىرۋ ەمى جانە وڭالتۋ قىزمەتتەرىن ءبىر كەڭىستىكتە بىرىكتىرەتىن بىرىڭعاي زاماناۋي مەديتسينالىق كەشەن رەتىندە قىزمەت كورسەتۋگە بەيىمدەلەدى.
سونداي-اق مەديتسينالىق نىساننىڭ ەسىگى اشىلعاندا جەرگىلىكتى جەردە مامانداندىرىلعان جانە جوعارى تەحنولوگيالىق مەديتسينالىق كومەك كورسەتۋ مۇمكىندىكتەرىن ەداۋىر كەڭەيتىپ, ەم الۋشىلاردى باسقا وڭىرلەرگە جىبەرۋ كورسەتكىشىن تومەندەتەدى. مەديتسينالىق كەشەن قولدانىستاعى ستاندارتتارعا سايكەس زاماناۋي جوعارى تەحنولوگيالىق جابدىقتارمەن جاساقتالادى. جوبا اياسىندا وڭىرگە بىلىكتى دارىگەرلەردى تارتىپ, كادر تاپشىلىعىن ازايتۋ دا كوزدەلگەن.