فۋتزالدان قازاقستان كۋبوگىنىڭ يەگەرى انىقتالدى

جارتىلاي فينالدا قوس كوماندا دا ءوز قارسىلاستارىن ازەر ۇتقان ەدى. «سەمەي» «اتىراۋدى» 4:3 ەسەبىمەن اۋپىرىمدەپ ءجۇرىپ جەڭدى. ال «اقتوبە» داڭقى الىسقا جايىلعان الماتىنىڭ «قايراتىنان» ايلاسىن اسىردى. بۇل كەزدەسۋدە 5:4 ەسەبى تىركەلدى. 

فينالدىق ماتچتا سەمەيلىكتەردىڭ شەبەرلىك دەڭگەيى قارسىلاستارىنا قاراعاندا ءبىر باس جوعارى ەكەنى بىردەن اڭعارىلدى. ويىننىڭ 5 جانە 13 مينۋتتارىندا دەدەزينو قاتارىنان ەكى گول سوعىپ, دۋبل اۆتورى اتاندى. ءبىرىنشى تايم اياقتالۋعا شاق قالعاندا گابريەل كانديدو مەن لەو يگيتا نىسانانى ءدال كوزدەدى.

فۋتزالدان قازاقستان كۋبوگىندە توسىن ناتيجە تىركەلدى

ۇزىلىستەن كەيىن مارسەلو اۋگۋستو دوس سانتوس ەسەپتى 5:0-گە جەتكىزدى. تەك سودان كەيىن بارىپ قانا اباي وبلىسىنان كەلگەن كوماندا قارقىنىن باسەڭدەتتى. باسەكەنىڭ سوڭىنا قاراي «اقتوبەنىڭ» ويىنشىلارى ءسال بولسا دا ەسەپتى قىسقارتتى. اتاپ ايتساق, 35 مينۋتتا ەگور نۋلەت مەرگەندىك تانىتسا, 35 مينۋتتا قايرات يمانالين پەنالتيدى ءساتتى ورىندادى. قورىتىندى ەسەپ – 5:2. ءسويتىپ, «سەمەي» قازاقستان كۋبوگىن يەلەندى.