الماتىلىق «قايرات» فۋتبول كلۋبىنىڭ باسشىلىعى ماۋسىم قاھارمانى, قاقپاشى تەمىرلان اناربەكوۆكە قاتىستى تۇبەگەيلى شەشىم قابىلدادى. كلۋب 22 جاستاعى دارىندى ويىنشىنى وسى قىستا ەشبىر كومانداعا بەرمەيتىنىن مالىمدەدى, دەپ حابارلايدى Egemen.kz.
AmanVibe باسىلىمىنىڭ حابارلاۋىنشا, «قايرات» ۇلتتىق قۇراما قاقپاشىسىن نەگىزگى قۇرامدا قالدىرۋعا بەل بۋعانىن راستادى.
«شەتەلدىك كلۋبتار تاراپىنان قىزىعۋشىلىق زور بولعانىمەن, ۇزدىك قاقپاشىعا ءالى ناقتى ۇسىنىستار تۇسكەن جوق. اقپارات كوزدەرىنىڭ ايتۋىنشا, ءتىپتى قوماقتى ۇسىنىس تۇسسە دە, كلۋب اناربەكوۆ سياقتى نەگىزگى ويىنشىسىن جىبەرۋگە ق ۇلىقتى ەمەس», دەلىنگەن حابارلامادا.
ەسكە سالساق, تەمىرلان اناربەكوۆ چەمپيوندار ليگاسىنىڭ ىرىكتەۋىندە «سەلتيككە» قارسى ويىندا پەنالتي سەرياسىندا ءوزىن كورسەتىپ, «قايراتقا» تاريحتا تۇڭعىش رەت ءتۋرنيردىڭ نەگىزگى كەزەڭىنە جولداما اپەرگەن بولاتىن.
تەمىرلان اناربەكوۆ «قايرات» – «وليمپياكوس» ماتچىندا ۇزدىك ويىنشى اتانعان ەدى. سونىمەن قاتار چەمپيوندار ليگاسى ماتچىندا MVP اتاعىن يەلەنگەن العاشقى قازاق فۋتبولشىسى بولدى.
قازىرگى تاڭدا اناربەكوۆ تۋرنيردەگى ەڭ جوعارى سەيۆ كورسەتكىشىمەن ء(بىر ويىندا ورتاشا 6,75 سوققى) ۇزدىك قاقپاشىلار رەيتينگىندە كوش باستاپ تۇر.
تەمىرلان اناربەكوۆ ەۋروپاعا كەتە مە؟ قازاق قاقپاشىسىنىڭ قاي ليگادا ويناعانى ءجون؟