تاراز قالاسىندا №40 گيمنازيا اۋماعىندا بيىكتىكتەن قۇلاعان مەكتەپ وقۋشىسى اۋىر جاراقات الدى. بۇل اقپاراتتى جامبىل وبلىسى پوليتسيا دەپارتامەنتى راستادى, دەپ حابارلايدى Egemen.kz.
«اتالعان فاكتى بويىنشا قىلمىستىق ءىس قوزعالدى. پوليتسيا قىزمەتكەرلەرى وقيعانىڭ بارلىق ءمان-جايىن انىقتاپ جاتىر. تەكسەرۋ ناتيجەسى بويىنشا قولدانىستاعى زاڭناماعا سايكەس پروتسەسسۋالدىق شەشىم قابىلدانادى», دەلىنگەن حابارلامادا.
پوليتسيا قىلمىستىق-پروتسەستىك كودەكستىڭ 201-بابىنا سايكەس, تەرگەۋ مۇددەسىنە بايلانىستى وزگە اقپارات جاريا ەتىلمەيتىنىن اتاپ ءوتتى.
شىمكەنتتە ۇستىنە اعاش قۇلاعان 4-سىنىپ وقۋشى قازا تاپتى
باق مالىمەتىنشە, 10-سىنىپ وقۋشىسى عيماراتتىڭ سىرتىندا ورنالاسقان ءورت ءسوندىرۋ باسپالداعىنا كوتەرىلگەن. بەينەباقىلاۋ كامەرالارىنداعى جازبالاردا ءجاسوسپىرىمنىڭ باسپالداق قورشاۋىندا وتىرعانى, كەيىن تەپە-تەڭدىگىن جوعالتىپ, تومەنگە قۇلاعانى كورىنەدى.
استانادا كوپقاباتتى ءۇيدىڭ تەرەزەسىنەن قۇلاعان بالا قازا تاپتى
قۇلاعاننان كەيىن وقۋشى جەدەل تۇردە وبلىستىق بالالار اۋرۋحاناسىنا جەتكىزىلگەن. دارىگەرلەر وعان اۋىر جاراقاتتار – باس ميىنىڭ وشاقتىق جاراقاتىن, وڭ جاق سان سۇيەگىنىڭ سىنۋىن, بۇعانانىڭ سىنۋىن جانە ىشكى اعزالاردىڭ جىرتىلۋىن انىقتاعان. ءجاسوسپىرىم جانساقتاۋ بولىمىندە جاتىر. دارىگەرلەر ونىڭ جاعدايىن اسا اۋىر دەپ باعالاپ وتىر.