اقتاۋ قالاسىندا 31-شاعىناۋداندا ورنالاسقان التى قاباتتى كوپپاتەرلى تۇرعىن ءۇيدىڭ جەرتولەسىنەن ءورت شىقتى. قۇتقارۋشىلار وقيعا ورنىنان 14 ادامدى ەۆاكۋاتسيالادى, دەپ حابارلايدى Egemen.kz.
ۆەدومستۆو مالىمەتىنشە, وقيعا تۋرالى حابارلاما جەدەل قىزمەتتەرگە تۇسكەننەن كەيىن, وقيعا ورنىنا تجم كۇشتەرى مەن قۇرالدارى جەدەل تۇردە جىبەرىلگەن.
«قۇتقارۋشىلاردىڭ جەدەل ءارى ۇيلەسىمدى ارەكەتتەرىنىڭ ارقاسىندا ءورتتىڭ تارالۋىنا جول بەرىلمەدى. ءورتتى ءسوندىرۋ جانە بارلاۋ بارىسىندا قۇتقارۋشىلار ۇيدەن 14 ادامدى, ونىڭ ىشىندە 8 بالانى ەۆاكۋاتسيالادى», دەپ حابارلادى تجم.
ءورت قىسقا مەرزىمدە سوندىرىلگەن. زارداپ شەككەندەر جوق.
جىلىتۋ ماۋسىمىندا تۇرعىن ۇيلەردەگى ءورت 16%-عا ازايدى