الماتى تاۋىنا قاراڭعى ۋاقىتتا كوتەرىلگەن ءۇش 15 جاستاعى ءجاسوسپىرىم تاۋدان قايتا تۇسە الماي قالعان. ولاردى ءتۇسىرۋ ءۇشىن تجم قىزمەتكەرلەرى كومەككە كەلدى. كامەلەتكە تولماعاندار زارداپ شەككەن جوق, دەپ حابارلايدى Egemen.kz.
جاسوسپىرىمدەر «دەنساۋلىق باسپالداعى» اۋدانىنداعى تاۋلى ايماققا كوتەرىلگەن, الايدا ءوز بەتىمەن تومەن تۇسە الماعان. سول سەبەپتى ولار قۇتقارۋشىلاردان كومەك سۇراعان.
«سيگنال تۇسكەننەن كەيىن الماتى قالاسى تجد قۇتقارۋ قىزمەتىنىڭ قۇتقارۋشىلارى رەسپۋبليكالىق «بارىس» جەدەل-قۇتقارۋ جاساعىمەن بىرلەسىپ, دەرەۋ كورسەتىلگەن اۋدانعا اتتاندى. تۇنگى ۋاقىتتا تاۋلى جەردە قوزعالا وتىرىپ, ولار جاسوسپىرىمدەرگە جەدەل جەتتى. وقيعا ورنىنا كەلگەندە جاسوسپىرىمدەرگە مەديتسينالىق كومەك قاجەت ەمەس ەكەنى انىقتالدى», دەپ حابارلادى تجم.
قۇتقارۋشىلار جاسوسپىرىمدەردى قاۋىپسىز تۇردە تومەن ءتۇسىرىپ, اتا-انالارىنا تاپسىردى.
الماتى تاۋلارىندا تۋريست اۋىر باس جاراقاتىن الدى