ەلوردانىڭ سارىارقا اۋدانىندا بولعان جويقىن ءورتتىڭ ءمان-جايى بەلگىلى بولدى. توتەنشە جاعدايلار مينيسترلىگىنىڭ ماماندارى بىرنەشە ساعاتقا سوزىلعان ءتىلسىز جاۋدى تولىقتاي ءسوندىردى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ءورت ىقىلاس دۇكەن ۇلى كوشەسىندە ورنالاسقان ءۇش قاباتتى عيماراتتان شىققان. قۇتقارۋشىلار وقيعا ورنىنا جەتكەندە جاعداي وتە كۇردەلى بولعان.
العاشقى ءورت ءسوندىرۋ بولىمشەلەرى كەلگەن ساتتە جالىن عيماراتتىڭ ەكىنشى جانە ءۇشىنشى قاباتتارىن تولىقتاي شارپىپ ۇلگەرگەن. وتتىڭ جىلدامدىعىنان نىساننىڭ شاتىرى ءىشىنارا وپىرىلىپ تۇسكەن.
ءورت سوندىرۋشىلەردىڭ كاسىبي جانە دەر كەزىندە جاساعان ءىس-قيمىلدارىنىڭ ارقاسىندا وتتىڭ كورشىلەس عيماراتتارعا تارالۋىنا جول بەرىلمەدى.
ءتىلسىز جاۋ جالپى اۋماعى 800 شارشى مەتر جەردە تولىقتاي ءسوندىرىلدى. وقيعا سالدارىنان قازا تاپقاندار مەن زارداپ شەككەندەر تۋرالى اقپارات تۇسكەن جوق.
ء«ورت سوندىرۋشىلەردىڭ كاسىبيلىگى سالداردى بارىنشا ازايتۋعا مۇمكىندىك بەردى», دەپ اتاپ ءوتتى تجم وكىلدەرى.
قازىرگى ۋاقىتتا ماماندار ءورتتىڭ شىعۋ سەبەبىن انىقتاپ جاتىر. سارىارقا اۋدانىنداعى بۇل وقيعا ەلوردالىقتاردى قاتتى الاڭداتتى.