كامبودجا مەن تايلاندتىڭ قورعانىس مينيسترلەرى اتىستى توقتاتۋ تۋرالى كەلىسىمگە قول قويىلعانىن جاريالادى, دەپ حابارلايدى Egemen.kz.
BBC مالىمەتىنشە, قۇجات جەرگىلىكتى ۋاقىت بويىنشا تۇسكى ساعات 12-دە كۇشىنە ەندى.
كەلىسىمشارتتارىنا سايكەس, تاي جانە كامبودجا اسكەرلەرى ودان ءارى العا جىلجىماستان قازىرگى پوزيتسيالارىندا قالادى. قاقتىعىستاردان زارداپ شەككەن شەكارالاس ايماقتاردىڭ تۇرعىندارىنا مۇمكىندىگىنشە تەزىرەك ۇيلەرىنە ورالۋعا رۇقسات ەتىلەدى.
مينيسترلەردىڭ مالىمدەمەسىندە «ەكى تاراپ تا سەبەپسىز اتىستان, العا جىلجۋدان نەمەسە اسكەرلەردىڭ ەكىنشى تاراپتىڭ پوزيتسياسىنا قاراي جىلجۋىنا جول بەرمەۋ كەرەك» ەكەندىگى اتاپ ءوتىلدى. بۇل شارالار شيەلەنىستى ازايتۋدىڭ نەگىزگى قادامى بولىپ سانالادى», دەلىنگەن مالىمدەمەدە.
تايلاند سونىمەن قاتار اتىستى توقتاتۋ 72 ساعات بويى ساقتالسا, ۇستاپ تۇرعان 18 كامبودجا اسكەرىن قايتارۋعا ۋادە بەردى.
ءۇش اپتاعا سوزىلعان قاقتىعىستا كەم دەگەندە 41 ادام قازا تاۋىپ, ەكى جاقتان دا ميلليوننان استام بەيبىت تۇرعىن ۇيلەرىن تاستاپ كەتۋگە ءماجبۇر بولدى.