جاھاندى جۇمىلدىرعان باستاما

حالىقارالىق جۇمىستى ۇي­لەستىرۋ ءۇشىن ەكى قازاقستاندىق ۆو­لون­تەر بۇۇ-نىڭ وڭىرلىك حاتشى­لىقتارىنا جىبەرىلدى. ەۋروپا مەن ورتالىق ازيا ايماعى بو­يىنشا حالىقارالىق ۆولونتەرلەر جىلىنىڭ (IVY 2026) وڭىرلىك ۇيلەستىرۋشىسى قازاقستاننىڭ جاھاندىق ۆولونتەرلىك قوزعا­لىسقا قاتىسۋى مەن ونىڭ ماڭىزى تۋرالى ايتىپ بەردى.

«بۇل جەردە ءجۇرىپ, كوپتەگەن ماسەلە بويىنشا قازاقستاننىڭ راسىمەن كوشباسشى ەل ەكەنىنە كوزىم جەتتى. مىسالى, مەن كەلگەن باعدارلاما كوپ ەلدە جوق. بۇۇ ەرىكتىسى بولىپ جۇمىس ىستەۋ ءۇشىن ازاماتتارىن مەملەكەت ەسەبى­نەن جىبەرەتىندەرى ساناۋلى عانا. قازاقستان 2026 جىلدى حالىقارالىق ۆولونتەرلەر جىلى دەپ جاريالادى. دەمەك بۇكىل الەم ەل پرەزيدەنتىنىڭ باستا­ماسىمەن ۆولونتەرلەر جىلىن اتاپ وتەدى. بۇل – ءبىزدىڭ جاھاندىق ۇردىستەرگە ىلەسىپ قانا قويماي, ونى قالىپتاستىرىپ وتىرعانىمىزدىڭ تاعى ءبىر مارتە دالەلى», دەپ اتاپ ءوتتى زارينا ميرابدۋللاەۆا.

سونداي-اق تولىق قارجىلان­دىرۋ باعدارلاماسى اياسىندا بيىل كەنيا, تۇركيا, تايلاند ەلدەرىنە 7 وتانداسىمىز بارىپ, ءوز جۇمىسىن ابىرويمەن اتقارىپ جاتىر.

ايتا كەتەيىك, مەملەكەت باس­شىسىنىڭ باستاماسىمەن تمد ۇكىمەت باسشىلارى كەڭە­سىنىڭ شەشىمى بويىنشا جىل سايىنعى دوستاستىق ەلدەرى ۆولونتەرلەرىنىڭ فورۋمى ۇيىم­داستىرىلاتىن بولدى. العاشقى فورۋم كەلەر جىلى استانا قالا­سىندا وتەدى.

نەگىزى ەلىمىزدە ۆولونتەرلىكتىڭ ۇلتتىق ينفراقۇرىلىمى جۇيە­لى جاساقتالعان. رەسپۋبليكا كولەمىندە ۇلتتىق فرونت-كەڭسە مەن 20 وڭىرلىك فرونت-كەڭسە جۇمىس ىستەيدى. سونىمەن قاتار بىرىڭعاي Call-ورتالىق قىزمەت كورسەتەدى جانە Qazvolunteer.kz ۇلتتىق ونلاين-پلاتفورماسى ىسكە قوسىلعان.

جىل وتكەن سايىن ەرىكتىلەر قاتارى ارتىپ كەلەدى. بيىل بەل­سەندى ۆولونتەرلەر سانى 300 مىڭ­عا جۋىقتادى. ولاردىڭ ىشىندە 6 مىڭ «كۇمىس» ۆولون­تەر بار, ال ۆولونتەرلىك ۇيىم­دار­دىڭ سانى 810-نان استى. ۆولون­تەرلەردىڭ ەڭبەگىن باعالاۋ ماقساتىندا پرەزيدەنتتىڭ باستاماسىمەن «جىل ۆولونتەرى» سىيلىعى تاعايىن­دالدى جانە بۇل ماراپات جىل سايىن تابىستالىپ كەلەدى. وسى ۋا­قىتقا دەيىن قازاقستان, ازەر­بايجان, قىرعىزستان, تۇر­كيا, وزبەكستان, رەسەي ەلدە­رى­نەن 297 ازامات لاۋرەات اتان­دى. بۇل سىيلىق وڭىردە دە ۇلەستىرىلەدى.

«تۇسىنە بىلگەنگە, ۆولونتەرلىك – جاي عانا كومەكتەسۋ ەمەس, بۇل – ادامنىڭ ىشكى الەمىندەگى مەيىرىم مەن جاۋاپكەرشىلىكتىڭ, جاناشىرلىق پەن ازاماتتىق ۇستانىمنىڭ توعىسقان تۇسى. قوعامنىڭ ەڭ قيىن ساتتەرىندە ءبىرىنشى بولىپ كومەككە ۇمتىلا­تىندار وسى – ۆولونتەرلەر. ولار كوپ جاعدايدا ءۇنسىز ەڭبەك ەتىپ, جارياعا شىقپايتىن يگى ىستەر اتقارادى ءارى قولىنان كەلگەن كومەكتەن بولەك, جۇرەك قالاۋىمەن قىزمەت ەتەدى. سون­دىقتان ۆولونتەرلىكتى ادامعا, قوعامعا جانە ومىرگە دەگەن سۇيىسپەنشىلىكتىڭ ەڭ جوعارى كورىنىسى دەپ باعالايمىن. ەرىكتىلەرگە اتاق تا, ماراپات تا كەرەك ەمەس. الايدا وسى جولدا ايانباي ەڭبەك ەتىپ جۇرگەن جان­داردى قولداۋ, ولاردىڭ ەڭبە­گىن باعالاۋ جانە قوعامعا ۇلگى ەتۋ – بارشا ازاماتتىڭ ورتاق مىن­دەتى. ال مەملەكەت تاراپى­نان كورسە­تىلەتىن قولداۋ مەن قۇرمەت ۆولونتەرلەرگە جاڭا سەرپىن بەرىپ, الداعى جۇمىستارعا ىنتالاندىرادى. وسى تۇرعىدا اتىراۋ وبلىسى ىشكى ساياسات باسقارماسى­نىڭ جاستار رەسۋرستىق ورتا­لىعى ۇيىمداستىرعان «جىل ۆولونتەر­لەرىن ماراپاتتاۋ» ءىس-شاراسىنىڭ ماڭىزى ەرەكشە. بارشا ۆولونتەرلەرگە قوعام يگىلىگى جولىنداعى ادال ەڭبەگى مەن جۇرەكتەرىندەگى مەيىرىمى ءۇشىن العىس بىلدىرەمىن»,  دەدى «جانىڭدامىن» ۆولونتەرلىك ۇيىمىنىڭ جەتەكشىسى ميرا ەسنيازوۆا.

«يگى ىستەر مارافونى» جوباسى دا قوعام تاراپىنان كەڭ قول­داۋ تاپتى. وسى جىلى وتانداس­تارىمىز 9 مىڭنان اسا يگى ءىس ات­قارىپ, جوباعا 40 مىڭ ادام قاتىستى. 56 ۆولونتەرلىك جوبا ىسكە اسىرىلىپ, جەرگىلىكتى باستاما­لاردى دامىتۋ ءۇشىن 60 شاعىن گرانت ءبولىندى. جىلدى قورى­تىن­دىلاي كەلە, قازاقستان ۆولون­تەرلىك قوزعالىستى نىعاي­تۋ­دى جالعاستىرا بەرەدى.