14 جاستاعى تەننيسشى احمادي ماحانوۆ ەۋروپالىق تەننيس قاۋىمداستىعىنىڭ نۇسقاسى بويىنشا «جىلدىڭ ۇزدىك شەتەلدىك ويىنشىسى» (ەۋروپا ەلدەرىنەن تىس) ماراپاتىنا قول جەتكىزدى. اقجولتاي جاڭالىقتى ۇلتتىق وليمپيادا كوميتەتى حابارلادى, دەپ جازادى Egemen.kz.
وتانداسىمىز بيىل سالادا ۇزدىك ناتيجەلەر كورسەتىپ, ماۋسىم قورىتىندىسى بويىنشا 16 جاسقا دەيىنگى ويىنشىلار اراسىندا 24-ءشى ورىنعا تۇراقتادى.
اقتوبە تەننيس مەكتەبىنىڭ تۇلەگى احمادي ماحانوۆ وسى ماۋسىمدا ستوكگولمدە وتكەن بەدەلدى كورول كۋبوگىنىڭ «سۋپەر» ساناتىنداعى تۋرنيرىندە جەكەلەي سىندا ءبىر تيتۋل جەڭىپ الدى.
تەمىرلان اناربەكوۆ ەۋروپاعا كەتە مە؟ قازاق قاقپاشىسىنىڭ قاي ليگادا ويناعانى ءجون؟
سونىمەن قاتار جۇپتىق سايىستا «اۆەنيۋ كۋبوگى», «تيم ەسسون» جانە «برسەلاۆ وۋپەن» تۋرنيرلەرىندە ءۇش رەت توپ جاردى. بۇدان بولەك, ول Tennis Europe سەرياسىنداعى ءبىر تۋرنيردەگى جەكەلەي سىندا فينالعا دەيىن جەتتى.
ايتا كەتەيىك, بۇل جىل قازاق سپورتى ءۇشىن تابىستى بولدى. ەل سپورتشىلارى ءتۇرلى الەمدىك ارەناداعى سايىستاردا جۇلدەلى بولىپ, تاريحي ناتيجەلەر تىركەدى.
سونداي-اق 2025 جىلى قازاق جانكۇيەرلەرى بىلىكتى باپكەرلەر, جاس سپورتشىلارمەن قوش ايتىستى.