جەلتوقسان ايىندا BMW ءوز اۆتوموبيلدەرىنىڭ كورپۋسىندا جانە ىشكى قۇرىلىسىندا قولدانىلۋى مۇمكىن ارنايى بۇراندالارعا پاتەنت الدى. ياعني, كومپانيا وز كولىكتەرىن اۆتورلانباعان سەرۆيستىك ورتالىقتا جوندەۋدى قيىنداتاتىن جابدىق ويلاپ تاپتى, دەپ جازادى Egemen.kz.
BMW ەمبلەماسى پىشىنىندە جاسالعان
پاتەنتتەن بۇراندا باسىنىڭ بىرنەشە نۇسقاسى بار ەكەنى بايقالادى, مىسالى, ۇياشىقتى, جالپاق جانە دوڭگەلەك ءتۇرى بار. ونىڭ ءبارى BMW ەمبلەماسى پىشىنىندە جاسالعان, دوڭگەلەكتىڭ ءتورت سەكتسياسىنىڭ ەكەۋى ويىڭقى, ەكەۋى نە تەگىس, نە دوڭەس بولادى. مۇنداي تاماشا شەشىم بۇرىن نەگە ەشكىمنىڭ ويىنا كەلمەگەنى بەلگىسىز.
ەشبىر بۇراۋىش بۇراي المايدى
قازىر قولدا بار بۇراۋىشتاردىڭ ەشبىرى مۇنداي بۇراندانى بۇراۋعا جارامايدى. سوندىقتان BMW يەسىنە كولىگىن جوندەتۋ ءۇشىن كومپانيا الدىن الا تيىستى قۇرال-جابدىقپەن قامتاماسىز ەتكەن ديلەرلىك ورتالىققا بارۋعا تۋرا كەلەدى.
بۇل قوسالقى بولشەك ساتۋشىلارعا قوسىمشا تابىس كوزى بولارى انىق. جاڭا بۇراندا وز بەتىنشە ەڭبەك ەتەتىن شەبەرلەر ءۇشىن شەشىلمەس تۇيىنگە اينالا ما؟