استانانى دامىتۋ جايلى كەڭەستە پرەزيدەنت قاسىم-جومارت توقاەۆ قالانىڭ كولىك-ترانزيت الەۋەتىن ارتتىرۋ ءۇشىن جاڭا اۋەجاي سالۋ مۇمكىندىگىن قاراستىرۋ قاجەت ەكەنىن ايتتى, دەپ حابارلايدى Egemen.kz.
«ۇكىمەتكە اكىمدىكپەن بىرگە وسى ماسەلەنى مۇقيات پىسىقتاپ, ناقتى ۇسىنىس ەنگىزۋدى تاپسىرامىن. جۋىردا ءبىز ەلىمىزدە تولىققاندى اۆياحابتار قالىپتاستىرۋ ماسەلەسىن قاراستىردىق. سونىڭ ىشىندە ەلوردا اۋەجايىنا قاتىستى جۇمىس تا بار. بىراق قازاقستاندا وندىرىلەتىن اۆيا جانارماي كولەمى جەتكىلىكسىز. وسى جاعداي اۆياحابتاردى دامىتۋعا كەدەرگى بولۋى مۇمكىن. سوندىقتان ۇكىمەت اۆيا جانارماي ءوندىرىسىن ارتتىرۋ ءۇشىن ناقتى شارالار قابىلداۋعا ءتيىس. بالكىم, جاڭا مۇناي وڭدەۋ زاۋىتىن سالۋ كەرەك شىعار. ونىڭ ارتىقشىلىعى دا, كەمشىن تۇستارى دا بار», دەدى توقاەۆ.
پرەزيدەنتتىڭ ايتۋىنشا, ۇكىمەت وسىعان قاتىستى ءوز ۇستانىمىن ايقىنداپ, ناقتى شەشىم قابىلداۋى قاجەت. سونداي-اق مەملەكەت باسشىسى كوممۋنالدىق ينفراقۇرىلىمدى جەدەل جاڭعىرتۋدىڭ ماڭىزى زور دەيدى.