ەلوردا نىساندارىن ارالاۋ بارىسىندا مەملەكەت باسشىسى نۇرا اۋدانىندا ورنالاسقان NGS Astana جەكە مەنشىك ءبىلىم بەرۋ مەكەمەسىنىڭ جۇمىسىمەن تانىستى, دەپ حابارلايدى اقوردانىڭ ءباسپاسوز قىزمەتى.
1320 وقۋشىعا ەسەپتەلگەن مەكتەپ جاراتىلىستانۋ-ماتەماتيكا جانە الەۋمەتتىك-گۋمانيتارلىق باعىتتارىندا ءبىلىم بەرەدى. اسىرەسە, ماتەماتيكا مەن اعىلشىن ءتىلى تەرەڭدەتىپ وقىتىلادى.
وقۋ-تاربيە جۇمىسىن ۇيىمداستىرۋعا قاجەتتى بارلىق جاعداي جاسالعان. وقۋشىلار ءۇش مەزگىل تاماقتاندىرىلادى. ەرەكشە ءبىلىم الۋ قاجەتتىلىگى بار بالالارعا قولايلى ورتا قاراستىرىلعان.
قاسىم-جومارت توقاەۆقا مەكتەپ قۇرىلىسىنىڭ بيزنەستى مەملەكەتتىك قولداۋ شارالارى اياسىندا بوي كوتەرگەنى جونىندە باياندالدى. قارجىنىڭ 40 پايىزىن «دامۋ» قورى كرەديت رەتىندە بولگەن.
پرەزيدەنت وقۋ كابينەتتەرىن, كىتاپحانانى, سپورت زالىن ارالاپ كوردى.