اعىمداعى جىلى ماڭعىستاۋ وبلىسىندا جالپى قۇنى 235 ملرد تەڭگەنى قۇرايتىن 19 ينۆەستيتسيالىق جوبا ىسكە قوسىلىپ, 612 جاڭا جۇمىس ورنى قۇرىلدى. بۇل تۋرالى ماڭعىستاۋ وبلىسىنىڭ اكىمى نۇرداۋلەت يگىلىك ۇلى قيلىباي وكق-دا وتكەن بريفينگتە ايتتى, دەپ جازادى Egemen.kz.
سوڭعى ءۇش جىلدا وڭىرگە 3 ترلن تەڭگەگە جۋىق ينۆەستيتسيا تارتىلعان. تىكەلەي شەتەلدىك ينۆەستيتسيالار كولەمى 3 ملرد اقش دوللارىنا جەتتى.
2026-2032 جىلدار ارالىعىندا وڭىردە ەكونوميكانىڭ ءتۇرلى سالالارىندا جالپى قۇنى 10 ترلن تەڭگەدەن اساتىن 55 ينۆەستيتسيالىق جوبانى ىسكە اسىرۋ جوسپارلانۋدا, ناتيجەسىندە 8,8 مىڭ جاڭا جۇمىس ورنى اشىلادى. ونىڭ ىشىندە: وڭدەۋ ونەركاسىبى – 19 جوبا, تۋريزم – 9 جوبا, كولىك جانە قويمالاۋ – 7 جوبا, ساۋدا – 4 جوبا, باسقا باعىتتار – 16 جوبا.
«ولاردىڭ ىشىندە ەڭ نەگىزگىلەرى دەپ تۇركيالىق «YDA Holding» كومپانياسىنىڭ اقتاۋ اۋەجايى بازاسىندا مۋلتيمودالدى لوگيستيكالىق جانە اۆياتسيالىق حاب سالۋ جوباسى مەن اممياك-كارباميد كەشەنىنىڭ قۇرىلىسىن ايتۋعا بولادى. حاب سالىنعاننان كەيىن جولاۋشىلار اعىنىن جىلىنا 2,5 ملن ادامعا دەيىن ارتتىرۋ, جۇك تاسىمالى كولەمىن جىلىنا 100 مىڭ تونناعا دەيىن ۇلعايتۋ جوسپارلانىپ وتىر. ال ەكىنشى جوبا اياسىندا جىلىنا 1,7 ملن توننا حيميالىق ءونىم وندىرىلەدى», دەدى نۇرداۋلەت قيلىباي.
ءوڭىر باسشىسى ينۆەستورلارعا بارىنشا قولايلى جاعداي جاساپ, وبلىستىڭ ەكونوميكالىق دامۋىنا جاڭا سەرپىن بەرۋدى جالعاستىراتىنىن اتاپ ءوتتى.
ماڭعىستاۋ وبلىسى