وڭتۇستىك كورەيانىڭ برازيليادا ۇشىرعان العاشقى كوممەرتسيالىق وربيتالىق زىمىرانى ۇشىرىلعان ۋاقىتتان 30 سەكۋند وتكەندە اپاتقا ۇشىرادى. Hanbit-Nano زىمىرانىن ۇشىرۋ كەزىندە اقاۋ شىققان, دەپ جازادى Egemen.kz.
اتالعان زىمىرانعا 300 شاقىرىم بيىكتىكتە ورنالاستىرۋ جوسپارلانعان بەس جەر سەرىگى ورنالاستىرىلعان.
Hanbit-Nano-نى ۇشىرۋ باستاپقىدا 20 قاراشاعا جوسپارلانعان ەدى. الايدا تەحنيكالىق ماسەلەلەر تۋىنداپ, ۇشىرۋ ۋاقىتى ءۇش رەت كەيىنگە شەگەرىلگەن.
ەگەر زىمىران ءساتتى ۇشىرىلعاندا Innospace وپەراتورى وڭتۇستىك كورەياداعى تۇتىنۋشىعا تيەسىلى جەر سەرىگىن وربيتاعا شىعارعان العاشقى جەكە كومپانيا بولار ەدى.
ايتا كەتەيىك, ەكى ساتىلى زىمىراننىڭ العاشقى ساتىسى تارتۋ كۇشى 25 توننا بولاتىن گيبريدتى قوزعالتقىشپەن جابدىقتالعان. ال ەكىنشى ساتىسى سۇيىق مەتان مەن وتتەگىنى پايدالاناتىن قوزعالتقىش ارقىلى جۇمىس ىستەيدى.