ماڭعىستاۋ وبلىسى بويىنشا تەحنيكالىق رەتتەۋ جانە مەترولوگيا دەپارتامەنتىنىڭ ينسپەكتورلارى قاۋىپسىزدىك تالاپتارىنا سايكەس كەلمەيتىن ديزەل وتىنىن ساتۋ فاكتىسىن انىقتادى. زەرتحانا سىناقتارى ناتيجەلەرى بويىنشا دت-ل-ك4 ماركالى ديزەل وتىنى كەدەن وداعىنىڭ تالابىنا ساي ەمەس ەكەنى بەلگىلى بولدى, دەپ جازادى Egemen.kz.
اتالعان ديزەلدەگى كۇكىرتتىڭ ماسسالىق ۇلەسى 115 مگ/كگ-دى قۇراعان. ال رۇقسات ەتىلگەن نورما 50 مگ/كگ-دان اسپاۋى ءتيىس بولعان.
وسى زاڭبۇزۋشىلىقتارعا بايلانىستى ۋاكىلەتتى ورگان سوتقا تالاپ ارىز جولدادى. سوت كاسىپكەردى تەحنيكالىق رەگلامەنت تالاپتارىنا سايكەس كەلمەيتىن دت-ل-ك4 ماركالى ديزەل وتىنىنىڭ تاركىلەنگەن ءونىمىن يەلەنۋ, پايدالانۋ قۇقىعىنان ايىرۋ تۋرالى شەشىم قابىلدادى.
ەندى كاسىپكەر قولدانىستاعى زاڭنامانى ساقتاي وتىرىپ قاۋىپتى ديزەل ءوتىنىن وز قاراجاتى ەسەبىنەن جويىپ نەمەسە قايتا وڭدەۋى, نە ەل اۋماعىنىن شىعارۋى ءتيىس.