زەينەتاقى 10%-عا وسەدى: 2026 جىلى زەينەتكەرلەر قانشا تەڭگە الادى؟

بۇگىندە بۇل كورسەتكىش 62 771 تەڭگەنى قۇراپ وتىر, دەمەك ءوسىم 6 278 تەڭگە بولماق. سونىمەن قاتار بازالىق زەينەتاقى مولشەرى دە 32 360 تەڭگەدەن 35 596 تەڭگەگە دەيىن كوتەرىلەدى. ەڭ تومەنگى جانە ەڭ جوعارى تولەم مولشەرى 2026 جىلعى يندەكستەۋدەن كەيىن ەلىمىزدەگى ەڭ تومەنگى جالپى زەينەتاقى مولشەرى (بازالىق تولەمدى قوسقاندا) 104 645 تەڭگەدەن كەم بولمايدى. ال ەڭ جوعارى زەينەتاقى كولەمى 238 412 تەڭگەگە دەيىن جەتەدى دەپ كۇتىلەدى. ەسكە سالا كەتەيىك, قازاقستاندا زەينەتاقى ءۇش باعىتتان قۇرالادى: 1998 جىلعا دەيىنگى ءوتىلى بارلارعا ارنالعان ىنتىماقتى, بارشاعا ورتاق بازالىق جانە بجزق-داعى جەكە جيناقتاۋشى بولىك. الداعى ءۇش جىلعا ارنالعان بولجام بيۋدجەت جوباسىندا زەينەتاقىنىڭ ورتاشا مولشەرىنىڭ دە ءوسۋ قارقىنى كورسەتىلگەن. ورتاشا زەينەتاقى:  2026 جىلى – 103 687 تەڭگە; 2027 جىلى – 108 940 تەڭگە; 2028 جىلى – 113 995 تەڭگە.

ورتاشا بازالىق زەينەتاقى: 

2026 جىلى – 54 082 تەڭگە; 2027 جىلى – 58 276 تەڭگە; 2028 جىلى – 61 527 تەڭگە. ەرلەر 63 جاستا, ايەلدەر 61 جاستا زەينەتكە شىعادى. بۇل ەرەجە 2028 جىلعا دەيىن كۇشىندە بولادى. سوڭعى مالىمەتتەر بويىنشا, ەلىمىزدە 2,5 ميلليوننان استام زەينەتكەر بار.