قاتار استاناسى دوحادا جۇرگىزۋشىسى جوق تاكسيلەر قىزمەتكە كىرىستى. ەلدىڭ ۇلتتىق كولىك وپەراتورى «Mowasalat» (Karwa) قالا كوشەلەرىنە العاشقى روبوتتاكسيلەر شىققانىن رەسمي تۇردە حابارلادى.
روبوتتاكسي قىزمەتىن «Karwa» ءموبيلدى قوسىمشاسى ارقىلى پايدالانۋعا بولادى. تاكسي كەلگەننەن كەيىن دە ونىمەن بايلانىس تولىعىمەن قوسىمشا ارقىلى جۇرگىزىلەدى. ياعني قوزعالىستى باستاۋ, ساپاردى باسقارۋ جانە وزگە دە ارەكەتتەردىڭ ءبارى سمارتفونداعى قىزمەت ارقىلى ورىندالادى. ماماندار بۇل باستامانى اۆتونومدى كولىكتى دامىتۋداعى ماڭىزدى قادام رەتىندە باعالاپ وتىر. جوبا قاتاردىڭ «Qatar National Vision 2030» اتتى كەشەندى دامۋ باعدارلاماسى اياسىندا جۇزەگە اسىپ, ەلدىڭ كولىك مينيسترلىگىنىڭ باقىلاۋىمەن ىسكە اسىرىلىپ جاتىر.