«قازگيدرومەت» دەرەكتەرىنە سايكەس, استانادا قار جاۋىپ, بۇرقاسىن بولىپ جانە جەلدىڭ ەكپىنى سەكۋندىنا 20 مەترگە دەيىن جەتەدى دەپ كۇتىلەدى. وسىعان بايلانىستى, كورەرمەندەردىڭ قاۋىپسىزدىگى مەن جابدىقتاردىڭ ساقتالۋىن قامتاماسىز ەتۋ ماقساتىندا درونداردىڭ بارلىق ۇشۋلارى ۋاقىتشا توقتاتىلدى.
دەگەنمەن, جاڭاجىلدىق فەستيۆال اياسىنداعى باسقا دا ءىس-شارالار بەكىتىلگەن كەستە بويىنشا وتەدى:
ساعات 17:30-دا نەگىزگى الاڭداردا مەرەكەلىك كونتسەرتتەر باستالادى;
قالانىڭ التى اۋدانىندا ءبىر مەزەتتە 40-تان استام شىرشانىڭ شامدارى جاعىلادى.
بۇعان دەيىن ءىس-شارالار وتەتىن ۋاقىتتا «استانا ارەنا» ستاديونىنىڭ ماڭىندا كولىك قوزعالىسىنا ۋاقىتشا شەكتەۋ ەنگىزىلەتىنىن حابارلاعان ەدىك.