ونەركاسىپ جانە قۇرىلىس مينيسترلىگى مەملەكەتتىك ساتىپ الۋدىڭ اشىقتىعىن قامتاماسىز ەتەتىن وتاندىق تاۋار وندىرۋشىلەردىڭ بىرىڭعاي ءتىزىلىمىن قۇرۋ جونىندەگى جۇمىستى اياقتاۋدا, دەپ جازادى Egemen.kz اقپارات اگەنتتىگى.
سالانى تسيفرلاندىرۋ بارىسى جانە پرەزيدەنتتىڭ بيزنەستى قولداۋ جونىندەگى تاپسىرمالارىنىڭ ورىندالۋى تۋرالى ۆيتسە-مينيستر ولجاس ساپاربەكوۆ ۇكىمەتتىڭ قورىتىندى ءباسپاسوز ءماسليحاتىندا ايتتى.
بۇگىنگى تاڭدا 39 كومپانيا تەكسەرۋدەن ءوتىپ, 127 ءوتىنىم بەردى. جاڭا دەرەكقور وندىرۋشىلەردى ونلاين تىركەۋگە جانە ساتىپ الۋ جۇيەلەرىمەن بىرىكتىرۋگە مۇمكىندىك بەرەدى.
ء«تىزىلىم وندىرىستىك قۋاتتار مەن لوكاليزاتسيا دەڭگەيى تۋرالى تولىق اقپارات بەرەدى, بۇل پروتسەستەردىڭ اشىقتىعىن ارتتىرىپ, قازاقستاندىق زاۋىتتارعا ناقتى قولداۋدى قامتاماسىز ەتەدى», - دەدى ۆيتسە-مينيستر.