بيىل ازىق-ت ۇلىك قاۋىپسىزدىگى جونىندەگى يسلام ۇيىمى (اقيۇ) اۋعانستانعا ارنالعان ازىق-ت ۇلىك قاۋىپسىزدىگى باعدارلاماسىن كەڭەيتىپ, «ادامزات ءۇشىن ۇن – گازاداعى توتەنشە جاعدايعا ۇندەۋ» باستاماسىن ىسكە قوستى. ۇيىمنىڭ وزگە دە ىستەرىن ۇكىمەت, پارلامەنت, ديپلوماتيالىق ميسسيالاردىڭ, حالىقارالىق ۇيىمداردىڭ, عىلىمي-ساراپتامالىق قاۋىمداستىقتىڭ, سونداي-اق سەرىكتەس ۇيىمداردىڭ وكىلدەرى ازىق-ت ۇلىك قاۋىپسىزدىگى كۇنىنە ارنالعان دوڭگەلەك ۇستەل باسىندا تالقىلادى.
جيىندا اقيۇ باس ديرەكتورى, ەلشى بەرىك ارىن ەل ۇكىمەتى مەن قازاق حالقىنا تۇراقتى قولداۋى مەن قوناقجايلىعى ءۇشىن العىس ءبىلدىرىپ, ۇيىمدى قابىلداۋشى مەملەكەت رەتىندەگى ماڭىزدى ءرولىن اتاپ ءوتتى. ول سونداي-اق بيىلعى اقيۇ-نىڭ نەگىزگى جەتىستىكتەرىنە توقتالىپ, اۋعانستانعا ارنالعان ازىق-ت ۇلىك قاۋىپسىزدىگى باعدارلاماسىنىڭ كەڭەيتىلۋىن, «ادامزات ءۇشىن ۇن – گازاداعى توتەنشە جاعدايعا ۇندەۋ» باستاماسىنىڭ ىسكە قوسىلۋى مەن افريكاداعى ازىق-ت ۇلىك قاۋىپسىزدىگى باستاماسىنىڭ جۇزەگە اسىرىلۋ بارىسىن باياندادى. ونىڭ ايتۋىنشا, قازىر ۇيىم 2031 جىلعا دەيىنگى ستراتەگيالىق كورىنىسى اياسىنداعى ىلگەرىلەۋ مەن يىۇ-عا مۇشە مەملەكەتتەردە ازىق-ت ۇلىك قاۋىپسىزدىگىن قامتاماسىز ەتۋ جونىندەگى ستراتەگيالىق جوسپارعا سايكەس جۇمىس اتقارىپ جاتىر.
سونىمەن قاتار, سىرتقى ىستەر ءمينيسترىنىڭ ورىنباسارى الىبەك قۋانتىروۆ ەلىمىزدىڭ اقيۇ-عا كورسەتىپ وتىرعان بەرىك ساياسي قولداۋىن اتاپ ءوتىپ, كليماتتىڭ وزگەرۋى, سۋ تاپشىلىعى مەن جاھاندىق نارىقتاعى قۇبىلمالىلىق جاعدايىندا ازىق-ت ۇلىك قاۋىپسىزدىگى ماسەلەلەرىن شەشۋدەگى كوپجاقتى ىنتىماقتاستىقتىڭ ماڭىزدىلىعىنا توقتالدى. سونداي-اق اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى اۋىل شارۋاشىلىعىن جاڭعىرتۋ, سۋارۋ ينفراقۇرىلىمىن جاڭارتۋ مەن سۋ ۇنەمدەۋ تەحنولوگيالارىن كەڭىنەن ەنگىزۋ ۇلتتىق باسىمدىقتاردىڭ قاتارىندا ەكەنىن ايتىپ, اقيۇ-مەن بىرلەسكەن وڭىرلىك جوبالاردىڭ ىسكە اسىپ جاتقانىن مالىمدەدى.
ال ءماجىلىستىڭ اگرارلىق ماسەلەلەر كوميتەتىنىڭ توراعاسى سەرىك ەگىزباەۆ ەلىمىزدىڭ اگرارلىق الەۋەتىنە توقتالدى. ونىڭ مالىمدەۋىنشە, قازىر ەلىمىزدە سۋ رەسۋرستارىن ءتيىمدى پايدالانىپ, اقيۇ قولدايتىن باستامالاردىڭ, سونىڭ ىشىندە سۋارۋ جۇيەلەرىن جاڭعىرتۋ قاجەت. بۇعان قوسا, ورتالىق ازيادا بيداي ونىمدىلىگىن ارتتىرىپ, وڭىرلىك ازىق-ت ۇلىك قاۋىپسىزدىگى بويىنشا ىنتىماقتاستىقتى نىعايتۋ كەرەك.
ديپلوماتيالىق ميسسيالار مەن سەرىكتەس ۇيىمداردىڭ وكىلدەرى تاراپىنان دا سالاداعى وزەكتى ماسەلەلەر كوتەرىلدى. پالەستينانىڭ ەلىمىزدەگى ەلشىسى, ديپلوماتيالىق كورپۋستىڭ دۋايەنى دوكتور مونتاسەر ابۋزەيد «ادامزات ءۇشىن ۇن – گازاداعى توتەنشە جاعدايعا ۇندەۋ» باستاماسىنىڭ گۋمانيتارلىق ماڭىزىنا توقتالىپ, ونى قولداۋدىڭ ميلليونداعان پالەستينالىقتار ءۇشىن ايرىقشا مانگە يە ەكەنىن جەتكىزدى. سونىمەن قاتار قازاقستاننىڭ اقيۇ-نى قابىلداۋشى ەل رەتىندەگى رولىنە جوعارى باعا بەرىپ, ازىق-ت ۇلىك قاۋىپسىزدىگىن قامتاماسىز ەتۋ, حالىقارالىق ىنتىماقتاستىقتى دامىتۋ, يىۇ-عا مۇشە مەملەكەتتەر اراسىنداعى ءوزارا ىقپالداستىقتى نىعايتۋداعى ستراتەگيالىق ارىپتەستىكتىڭ ماڭىزىن اتاپ ءوتتى.
سونداي-اق, تاجىكستان, اۋعانستان مەن يوردانيا حاشيميتتىك كورولدىگىنىڭ ديپلوماتيالىق ميسسيالارىنىڭ باسشىلارى, تۇركيانىڭ ىنتىماقتاستىق جانە ۇيلەستىرۋ اگەنتتىگى (TİKA), حالىقارالىق كوشى-قون ۇيىمى (IOM), ارالدى قۇتقارۋ حالىقارالىق قورى (IFAS) سياقتى حالىقارالىق ۇيىمداردىڭ وكىلدەرى ازىق-ت ۇلىك قاۋىپسىزدىگى سالاسىنداعى وزدەرىنىڭ قازىرگى جوبالارى تۋرالى باياندادى. جالپى جيىندا اقيۇ-مەن ىنتىماقتاستىقتىڭ پەرسپەكتيۆتى باعىتتارى ايقىندالىپ, يىۇ وڭىرىندە جۇزەگە اسىرىلىپ جاتقان بىرلەسكەن گۋمانيتارلىق, باعدارلامالىق, الەۋەتتى ارتتىرۋ باستامالارى تالقىلاندى.
ءىس-شارا اياسىندا اقيۇ مەن م.قوزىباەۆ اتىنداعى سولتۇستىك قازاقستان ۋنيۆەرسيتەتى اراسىندا اۋىل شارۋاشىلىعى جانە ازىق-ت ۇلىك قاۋىپسىزدىگى سالاسىندا ءبىلىم بەرۋ, عىلىمي زەرتتەۋلەر, كادرلىق الەۋەتتى دامىتۋ باعىتىنداعى ىنتىماقتاستىقتى نىعايتۋدى كوزدەيتىن مەموراندۋمعا قول قويىلدى.