«Pantone Color Institute» 2026 جىلدىڭ باستى ءتۇسى رەتىندە «Cloud Dancer» دەپ اتالاتىن اقشىل, «اۋاداي جەڭىل» رەڭكتى جاريالادى. بۇل – كوزدى شارشاتپايتىن, جۇمساق اق ءتۇس تىنىشتىقتىڭ بەلگىسى رەتىندە ۇسىنىلىپ وتىر.
ينستيتۋت وكىلدەرى مۇنداي تاڭداۋدى بۇگىنگى اقپارات اعىنى ۇدەگەن, ادامدار قاراپايىمدىلىق پەن شىنايىلىقتى كوبىرەك ىزدەي باستاعان وتپەلى كەزەڭمەن بايلانىستىرادى. وسى تۇرعىدا «Cloud Dancer» – الاڭ كوڭىلگە توقتاۋ سالىپ, نازاردى جيناقتايتىن «تىنىش بەلگى» رەتىندە كورىنەدى. كەلەسى جىلى بۇل رەڭك ءسان, ينتەرەر, گرافيكالىق ديزاين جانە ءونىم ەستەتيكاسىندا ءجيى ۇشىراسپاق.