قازاقستاننىڭ بىرقاتار اۋماقتارىندا جاۋىن-شاشىن بولادى

استانا. 23 ناۋرىز. ەرتەڭ قازاقستاننىڭ بىرقاتار اۋماقتارىندا جاۋىن-شاشىن بولادى. بۇل تۋرالى توتەنشە جاعدايلار كوميتەتىنىڭ ءباسپاسوز قىزمەتى حابارلادى. اتاپ ايتقاندا, 24 ناۋرىزدا استانا قالاسىندا كۇندىز بىرەسە جاڭبىر, بىرەسە قار جاۋى ىقتيمال. وڭتۇستىك باتىستان سوققان جەل كۇشى – 15-20, ەكپىنى سەكۋندىنا 25 مەترگە جەتەدى. بۇدان باسقا, قىزىلوردا, وڭتۇستىك قازاقستان, جامبىل جانە الماتى وبلىستارىندا جاڭبىر جاۋادى دەپ كۇتىلەدى. كەي جەرلەردە باتىستان, وڭتۇستىك باتىستان سوققان جەل كۇشەيە تۇسەدى. ال اقمولا, سولتۇستىك قازاقستان, پاۆلودار, قاراعاندى جانە شىعىس قازاقستان وبلىستارىندا جاۋىن-شاشىن بولۋى ىقتيمال. كەي جەرلەردە باتىستان, وڭتۇستىك باتىستان سوققان جەل كۇشەيەدى. جەلدىڭ كۇشى – 15-20 مەتر, ەكپىنى سەكۋندىنا 25-30 مەتر بولادى. مۇرات ايتقوجا.