«2025 China Grand Final» شەڭبەرىندە «BRICS Skills Competition» حالىقارالىق چەمپيوناتى قىتايدىڭ شاويان قالاسىندا ءوتتى. وعان قازاقستان, قىتاي, ءۇندىستان, رەسەي, بانگلادەش, لاوس, گانا, نيگەريا, رۋاندا, وڭتۇستىك افريكا ەلدەرىنەن 82 كوماندا قاتىستى, دەپ جازادى Egemen.kz.
BRICS-FS-16 / Internet of Things («ينتەرنەت زاتتار») باعىتى بويىنشا وتكەن حالىقارالىق فينالدا قازاقستان نامىسىن قورعاعان كوماندا جوعارى تەحنيكالىق دايىندىق پەن ۇيلەسىمدى كوماندالىق جۇمىستىڭ ناتيجەسىندە ۇزدىكتەر قاتارىنا ەنىپ, قولا مەدال يەلەندى.
«بۇل جەتىستىك – وتاندىق تەحنيكالىق جانە كاسىپتىك ءبىلىم بەرۋ ۇيىمدارىنىڭ حالىقارالىق ستاندارتتارعا ساي مامان دايارلاپ وتىرعانىنىڭ ايقىن دالەلى», دەيدى وقۋ-اعارتۋ مينيسترلىگىنە قاراستى تەحنيكالىق جانە كاسىپتىك ءبىلىم بەرۋ دەپارتامەنتى ديرەكتورىنىڭ ورىنباسارى اقزيرا قاسىموۆا.
جۇلدەگەرلەر ن.بەكبوسىنوۆ اتىنداعى ماڭعىستاۋ ەنەرگەتيكالىق كوللەدجىنىڭ ستۋدەنتتەرى سۇندەت بايانوۆ, انۋار رامازان, كوماندا جەتەكشىسى – ءادىلباي جاقسىلىق.