«Human Rights Lawyers» قوعامدىق قورى «ازاماتتار مەن ۇيىمداردىڭ قۇقىقتارىن, زاڭدى مۇددەلەرىن قورعاۋ» جوباسىن ىسكە اسىرۋدا. جوبا مادەنيەت جانە اقپارات مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرىلىپ جاتىر, دەپ حابارلايدى Egemen.kz.
اتالعان جوبا اياسىندا حالىقتىڭ قۇقىقتىق ساۋاتتىلىعىن ارتتىرۋ جانە تەگىن زاڭگەرلىك كومەككە قولجەتىمدىلىكتى ارتتىرۋ بويىنشا جۇمىستار جۇرگىزىلۋدە. اتاپ ايتقاندا, قازاقستاننىڭ 5 وڭىرىندە – الماتى قالاسىندا, الماتى, جامبىل, جەتىسۋ جانە اباي وبلىستارىندا تۇرعىنداردىڭ قۇقىقتىق ساۋاتتىلىق دەڭگەيىن باعالاۋ ماقساتىندا ساۋالناما جۇرگىزىلدى. زەرتتەۋ قورىتىندىسى بويىنشا كورسەتكىش 4 پايىزعا ارتقانى تىركەلدى.
سونىمەن قاتار, بارىپ كەڭەس بەرۋ جۇمىستارى ۇيىمداستىرىلدى. ناتيجەسىندە 1 000-نان استام ازامات جەكە قولداۋعا يە بولىپ, جوبا ماماندارى قۇقىقتىق جانە الەۋمەتتىك ماسەلەلەر بويىنشا 2 200-دەن استام كەڭەس بەردى.
ءبىلىم بەرۋ باعىتىنا دا ەرەكشە كوڭىل ءبولىندى. جوبانى ىسكە اسىرۋ كەزەڭىندە 3 000 تۇرعىن ءۇشىن سەمينارلار, ترەنينگتەر جانە دارىستەر ۇيىمداستىرىلدى.