ۋكراينا پرەزيدەنتى ۆلاديمير زەلەنسكي ەلدەگى پرەزيدەنتتىك سايلاۋدى وتكىزۋ ءۇشىن داۋىس بەرۋ كەزىندە اتىستى توقتاتۋ كەرەك ەكەنىن مالىمدەدى, دەپ حابارلايدى Egemen.kz.
زەلەنسكيدىڭ سوزىنشە, اقش بۇعان بارىنشا قولداۋ كورسەتە الادى.
«ەگەر سايلاۋ وتكىزۋ قاجەت بولسا, وندا كەم دەگەندە سايلاۋ پروتسەسى مەن داۋىس بەرۋ كەزىندە اتىستى توقتاتۋ قاجەت. بۇل تاقىرىپ ءالى دە تالقىلانۋى ءتيىس. اشىعىن ايتقاندا, امەريكا مۇنى رەسەي جاعىمەن تالقىلاۋى كەرەك دەپ سانايمىز», دەدى ول.
ەسكە سالساق, ۋكرايناداعى پرەزيدەنت سايلاۋى باستاپقىدا 2024 جىلعا جوسپارلانعان ەدى. الايدا رەسەيمەن قاقتىعىسقا بايلانىستى كەيىنگە قالدىرىلدى.
ەسكە سالايىق, زەلەنسكي ۋكراينادا سايلاۋ وتكىزۋگە دايىن ەكەنىن مالىمدەپ, اقش-تان جانە ەۋروپالىق ارىپتەستەردەن سايلاۋدى وتكىزۋ ءۇشىن قاۋىپسىزدىكتى قامتاماسىز ەتۋدى سۇراعان ەدى.
سونداي-اق بۇعان دەيىن زەلەنسكي قازاقستاندا پۋتينمەن كەزدەسۋگە دايىن ەكەنىن ايتقان.