مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنداعى تسيفرلاندىرۋدىڭ كەيبىر ماسەلەلەرى تۋرالى» جارلىققا قول قويدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جارلىققا سايكەس, 2026 جىلعى 1 قاڭتاردان باستاپ مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ جاڭا اقپاراتتاندىرۋ وبەكتىلەرىن QazTech «ەلەكتروندىق ۇكىمەتى» اقپاراتتىق-كوممۋنيكاتسيالىق پلاتفورماسىنان تىس قۇرۋعا موراتوري ەنگىزىلەدى.
ۇكىمەتكە مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ جاڭا اقپاراتتاندىرۋ وبەكتىلەرىن QazTech پلاتفورماسىندا ازىرلەۋ مۇمكىن بولماعان كەزدە ءاربىر ناقتى جاعدايدى پرەزيدەنت جانىنداعى قازاقستان رەسپۋبليكاسىندا تسيفرلاندىرۋدى ەنگىزۋ ماسەلەلەرى جونىندەگى كوميسسيانىڭ قاراۋىنا شىعارۋ تاپسىرىلدى.