ۋكراينا پرەزيدەنتى ۆلاديمير زەلەنسكي شۇعىل بريفينگ وتكىزىپ, بىرقاتار ماڭىزدى مالىمدەمە جاسادى. ونىڭ ايتۋىنشا, كيەۆ قازىر بىرقاتار حالىقارالىق باستامالاردى تالقىلاپ جاتىر جانە سايلاۋ وتكىزۋگە دە دايىن, دەپ حابارلايدى Egemen.kz.
پرەزيدەنت الدىمەن اقش-تىڭ جاڭادان سايلانعان باسشىلىعىمەن بايلانىسقا توقتالدى.
«ەرتەڭ ترامپقا جاڭارتىلعان كەلىسىم جوباسىن ۇسىنامىز. قازىر ونى ەۋروپالىق ارىپتەستەرىمىزبەن بىرگە ازىرلەپ جاتىرمىز», دەدى زەلەنسكي.
ول سونداي-اق رەسەيمەن تىكەلەي كەلىسسوز جۇرگىزىلىپ جاتقانىن جوققا شىعاردى.
«ۋكراينا رەسەيمەن تىكەلەي كەلىسسوز جۇرگىزىپ جاتقان جوق. وعان رەسەي ق ۇلىقسىز», دەدى ول.
سونىمەن بىرگە زەلەنسكي ەنەرگەتيكالىق ينفراقۇرىلىمعا شابۋىل جاساماۋ تۋرالى ءبىتىم جاساسۋعا ءازىر ەكەنىن مالىمدەدى.
پرەزيدەنت سوعىس الاڭىنداعى جاڭالىقتارعا دا توقتالدى.
«ۋكراينا ءوز قارۋلارىن – باليستيكالىق «ساپساندى», جاڭارتىلعان «نەپتۋندى», سونداي-اق «پاليانيتسا» مەن «فلامينگولاردى» قولدانۋدا», دەدى ول.
باستى مالىمدەمەلەردىڭ ءبىرى – سايلاۋ وتكىزۋ ماسەلەسى.
«مەن سايلاۋ وتكىزۋگە دايىنمىن. سايلاۋ ماسەلەسىن ۋكراينا حالقى انىقتايدى. مەن ەرتەڭ ۋكراينادا بولامىن. سول ساتتە ءبىزدىڭ سەرىكتەستەردەن, دەپۋتاتتاردان اسكەري جاعدايدا سايلاۋ وتكىزۋ تۋرالى ۇسىنىس كۇتەمىن. ول ءۇشىن زاڭنامالىق وزگەرىستەر كەرەك بولماق. ال قازىر اقش-تان جانە ەۋروپالىق ارىپتەستەردەن سايلاۋدى وتكىزۋ ءۇشىن قاۋىپسىزدىكتى قامتاماسىز ەتۋدى سۇرايمىن. سوندا ءبىز الداعى 60-90 كۇندە سايلاۋ وتكىزە الامىز», دەدى زەلەنسكي.
ول سونداي-اق ناتو ماسەلەسىنە قايتا توقتالدى.
«مەن رەاليستپىن. ءبىزدىڭ ناتو-عا قوسىلعىمىز كەلەدى. بۇل – ادىلەتتى. بىراق, اقش تا, وزگە بىرنەشە ەل دە ءبىزدى ناتو-دا كورمەيدى. رەسەي ەكىباستان», دەدى ۋكراينا پرەزيدەنتى.
ەسكە سالا كەتەيىك, 2025 جىلعى 29 قاراشادا, استانا ۋاقىتىمەن 06:00-دە نوۆوروسسيسك قالاسىندا ورنالاسقان پورت اۋدانىنداعى تەڭىز ينفراقۇرىلىمىنا ۇشقىشسىز قۇرىلعىلار شابۋىلداعان. سالدارىنان ايلاقتاعى اتق-2 قوندىرعىسى ىستەن شىعىپ قالدى. بۇل شابۋىلعا قاتىستى اۋەلى قازاقستان سىرتقى ىستەر مينيسترلىگى, ودان سوڭ ۋكراينا سىرتقى ىستەر مينيسترلىگى مالىمدەمە جاسادى. ال ساراپشىلار كاسپي قۇبىر كونسورتسيۋمىنىڭ (كتك) تۇراقتى جۇمىسى ەلىمىز ءۇشىن اسا ماڭىزدى ەكەنىن ايتتى. تىپتى كتك-عا جاسالعان سوڭعى شابۋىلدىڭ ەل ەكونوميكاسىنا عانا ەمەس, ازاماتتارعا دا ىقپال ەتۋى مۇمكىن.
بۇعان دەيىن سىرتقى ىستەر مينيسترى ەرمەك كوشەرباەۆتىڭ كتك-عا جاسالعان شابۋىلدى ۋكراينا تاراپىمەن تالقىلاعان حابارلاعان ەدىك.