ۇكىمەت باسشىسى ولجاس بەكتەنوۆ ۇكىمەت وتىرىسىندا جاساندى ينتەللەكت جانە تسيفرلىق دامۋ ۆيتسە-ءمينيسترى روستيسلاۆ كونياشكيندى قازاق تىلىندە بايانداما جاساعانى ءۇشىن ماقتاپ, وڭ باعاسىن بەردى, دەپ حابارلايدى Egemen.kz.
ۆيتسە-مينيستر ۇكىمەت وتىرىسىندا كولىك سالاسىن تسيفرلاندىرۋ بويىنشا جۇرگىزىلىپ جاتقان جۇمىستار تۋرالى باياندادى. مىنبەرگە كوتەرىلگەن كونياشكين بايانداماسىن تولىقتاي قازاق تىلىندە وقىپ بەرىپ, ۇكىمەت باسشىسىنىڭ ريزاشىلىعىن تۋدىردى.
«قازاقشا جاقسى باياندادىڭىز, دۇرىس, وسىلاي ۇيرەنۋ كەرەك», دەدى ولجاس بەكتەنوۆ.
روستيسلاۆ كونياشكيننىڭ بايانداماسىنا سايكەس, قازىرگى تاڭدا كولىك-ترانزيت سالاسىنداعى بارلىق 38 مەملەكەتتىك قىزمەت ونلاين فورماتتا كورسەتىلەدى.
2024 جىلى قىزمەتتەردىڭ 94 پايىزى ەلەكتروندى تۇردە ۇسىنىلعان. ۆيتسە-ءمينيستردىڭ ايتۋىنشا, بۇل تسيفرلىق سەرۆيستەردىڭ ازاماتتار مەن بيزنەس ءۇشىن قولايلىلىعىن دالەلدەيدى.
ر.كونياشكين قازاق ءتىلىن مەڭگەرگەنى ءۇشىن پرەمەر-ءمينيستردىڭ ماقتاۋىنا يە بولعان جاساندى ينتەللەكت مينيسترلىگىنىڭ العاشقى وكىلى ەمەس. بيىل اقپاندا ولجاس بەكتەنوۆ سول كەزدە تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى بولعان (قازىرگى جاساندى ينتەللەكت جانە تسيفرلىق دامۋ ۆيتسە-ءمينيسترى) دميتري مۋندى قازاق تىلىندە بايانداما جاساعانى ءۇشىن ماقتاپ, ونى «سوزىندە تۇراتىن ادام» دەپ اتاعان بولاتىن.