XX عاسىردىڭ ورتاسى اۋە ساپارلارىنىڭ ەڭ داۋىرلەگەن كەزەڭى بولدى. ول كەزدە ۇشۋ جاي جول ءجۇرۋ ەمەس, مارتەبە مەن ءسان-سالتانات بەلگىسى ەدى.
بيلەت باعاسى قىمبات بولعاندىقتان, ۇشاققا تەك قالتاسى كوتەرەتىندەر مىنەتىن. ال جولاۋشىلارعا قىزمەت تە وزگەشە كورسەتىلەتىن. مىسالى, تاعام فارفورعا سالىنىپ, ۇستەل اق ماتاعا جايىلىپ, كۇمىس قاسىقپەن ۇسىنىلاتىن. مازىردە تەك ەڭ قىمبات تاماق پەن ەڭ تاڭداۋلى ىشىمدىك بولاتىن. بۇل ءداۋىردىڭ شوقتىعى بيىك ۇشاعى – «Concorde». الايدا 70-جىلداردىڭ سوڭىندا ۇلكەن لاينەرلەر پايدا بولىپ, اۋە ساپارلارى كوپشىلىككە قولجەتىمدى بولا باستادى. باعا ءتۇستى, ءسان-سالتانات تا جوعالدى. «Concorde» 2003 جىلى سوڭعى رەت ۇشىپ, التىن ءداۋىردىڭ شىمىلدىعىن جاپتى.