وقۋ-اعارتۋ مينيسترلىگى پەداگوگتەردى ۇزدىكسىز كاسىبي دامىتۋ تۇرعىسىندا جۇيەلى جۇمىس جۇرگىزىپ كەلەدى. بيىلعى جىل باسىنان بەرى ورتا ءبىلىم بەرۋ جۇيەسىنىڭ جالپى سانى 91 مىڭنان استام پەداگوگى تەگىن بىلىكتىلىكتى ارتتىرۋ كۋرستارىنان وتكەن, دەپ حابارلايدى Egemen.kz.
باعدارلامالار باستاۋىش سىنىپ, قوعامدىق-گۋمانيتارلىق, جاراتىلىستانۋ-ماتەماتيكالىق باعىتتارىنداعى جانە دەنە شىنىقتىرۋ ءپانى مۇعالىمدەرىن قامتىپ وتىر. سونداي-اق, پەداگوگتەر ينكليۋزيۆتى ءبىلىم بەرۋ, كوشباسشىلىق, يننوۆاتسيالار مەن تسيفرلىق قۇزىرەتتىلىك باعىتتارى بويىنشا دا ءدارىس تىڭداعان.
مينيسترلىكتىڭ مالىمەتىنشە, 70 مىڭعا جۋىق سالا مامانى «ورلەۋ» بىلىكتىلىكتى ارتتىرۋ ۇلتتىق ورتالىعىندا كۋرستان وتسە, 18 مىڭعا جۋىعى «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتىندا وقىتىلدى. سونداي-اق رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى, ۇلتتىق عىلىمي-پراكتيكالىق دەنە تاربيەسى ورتالىعى, ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىندا ارنايى تەگىن كۋرستار ۇيىمداستىرىلعان.